Вести › Набрзинка

Г.Г Стефан: Не се отажуваме од името и од дијаспората за томос од Цариград

23 мај 2024

Архиепископот Стефан откри што бара Цариград од МПЦ-ОА во замена за томос за автокефалност.
- Откажување од името Македонска Православна Црква
- Отстапување на Македонската дијаспора
- Признавање на Православната Црква на Украина.
Архиепископот порача дека овие три услови се неприфатливи за Македонската Православна Црква.
Амин.

извор

Хегсет споделил детали за ударот врз Јемен и во друга група на Сигнал

21 април 2025

Шефот на Пентагон Пит Хегсет споделил детали од воениот удар врз Јемен на 15 март во група на платформата Сигнал во која биле десетина лица, вклучувајќи ги неговата сопруга, братот и личниот адвокат, објави Ројтерс, повикувајќи се на четири сигурни извори.
Сопругата на Хегсет, Џенифер, е поранешна продуцентка во телевизијата Фокс њуз. Таа е вработена во Пентагон и присуствувала на најмалку две чувствителни средби на Пит со странски министри и офицери. Неговиот брат Фил е службеник за врска помеѓу министерствата за внатрешни работи и за одбрана.
Хегсет веќе е под притисок откако пред еден месец беше откриено дека уредникот на порталот Атлантик, Џефри Голдберг, по грешка бил вклучен во групата на Сигнал во која се разменувале детали од воениот напад врз бунтовничките хути во Јемен.
„Уште еден ден, уште една стара приказна, вратена од мртвите. Немало никаква доверлива информација на никаков чет на Сигнал, без оглед на колку начини настојуваат да ја напишат приказната“, коментираше портпаролот на Пентагон, Шон Парнел.

извор

Русија и Украина не можат да издржат ни еден ден без војна

20 април 2025

Киев и Москва меѓусебно се обвинуваат за прекршување на еднодневното Велигденско примирје, кое го објави рускиот претседател Путин, а го поддржа Зеленски.
Путин вчера објави дека руските сили ќе ги прекинат сите воени активности на фронтот до вечер на полноќ.
Зеленски изјави дека Русите го прекршиле примирјето со 26 напади до денеска на пладне.
Руското Министерство за одбрана возврати дека украинските сили отвориле оган врз руски позиции 444 пати и извршиле повеќе од 900 акции со дронови.
Американскиот државен секретар Марко Рубио во петокот се закани дека САД ќе се повлечат од посредувањето за крај на војната ако за неколку дена не видат јасни мировни напори од двете земји.

извор