Вести › Набрзинка

Германија и Полска удрија по Газпром

15 ноември 2022

Германија објави дека ја национализира германската подружница на Газпром откако неколку месеци беше под државна управа. Национализирањето е по основа на задолженост на компанијата и за да се избегне нејзин банкрот.
Полска пак презема „привремен задолжителен менаџмент“ на уделот на Газпром во гасоводот Јамал што е на полска територија. Ова одлука е по основа на енергетска безбедност на земјата и непречено носење одлуки во компанијата клучни за текот на гасот.
Германија нема добиено руски гас од август годинава, а Полска беше исклучена уште во април.

12 септември 2025

Бизнисменот и претседател на Кошаркарската федерација на Македонија, Томислав Главчер потврди дека е подносител на кривичната пријавата против поранешните обвинители на распаднатото Специјално обвинителство, Катица Јанева, Лиле Стефанова и Бурим Рустеми.
Во изјава за МКД.мк тој вели дека сака да верува во правда и дека со сериозни чекори се работи во предистрагата која е почната во Обвинителството за гонење на организиран криминал и корупција по поднесената кривична пријава која се однесува на барање рекет за случајот „Поштенска банка“.
Во тој случај тој беше обвинет заедно со други лица за перење на 5 милиони евра.
Во предистрагата се испитува и дали Боки 13 бил вмешан и овде и дали тој заедно со поранешните обвинители му барале пари на бизнисменот.

12 септември 2025

Премиерот Христијан Мицкоски изрази сомнеж дека повторното разгорување на пожарот во депонијата „Дрисла“ е намерно предизвикано, посочувајќи ја одговорноста кај кадрите на ДУИ во јавните претпријатија.
„Чудно е, чудно е како во одредени јавни претпријатија, каде што свои кадри има Демократската унија за интеграција, се случуваат вакви работи. Чудно е, и тоа ќе го истражиме и ќе обезбедиме соодветни докази, како може пожар кој беше речиси ставен под контрола, наеднаш да се распламти“, изјави Мицкоски.
Во депонијата Дрисла влегува и полицијата, пренесува Дојче Веле.
Во поголемиот дел од населбите во Општините Аеродром и Гази Баба беа забележани зголемени вредности на ПМ 10 и ПМ 2,5 честичките.