Вести › Набрзинка

Ескобар и Макрон еден ден ќе заминат, предавството на Пендаровски и Ковачевски ќе остане

8 август 2022

Кога Макрон Македонците навредливо ги нарече Северномакедонци, преку министерот Османи реагираше македонската влада. Веднаш потоа Макрон во нова изјава се извини и Македонците ги нарече со нивното вистинско име Македонци.
Повеќе од 48 часа од истата навреда на Ескобар, македонската влада, Ковачевски, Османи Пендаровски молчат за ,,северномакедонците” на Ескобар.
Како македонските власти очекуваат утре претседателот на САД Бајден да нè нарекува Македонци ако човекот кој дел од денот го поминува со досието Македонија нè нарекува Северномакедонци а притоа тие што треба во Скопје, не реагираат на јавната навреда кон Македонците.

извор

САД и Иран се закачаат со дронови и бродови

4 февруари 2026

Американските сили собориле иранско беспилотно летало што „агресивно“ се приближило до носачот на авиони „Абрахам Линколн“ во Арапското Море. Иранската агенција Тасним потврди дека бил изгубен дрон во меѓународни води, но не ја објави причината.
„Авион Ф-35 собори ирански дрон (шахед-139) што летал со нејасна намера за да го заштити носачот на авиони и персоналот на бродот“, изјави капетанот Тим Хокинс, портпарол на Централната команда на американската војска.
Набрзо потоа патролни чамци и дрон на иранската Револуционерна гарда се приближиле до танкер со американско знаме, побарале да запре и се заканиле дека ќе го преземат. Наместо да запре, танкерот забрзал и наскоро добил придружба од американски борбен брод.
Инцидентите се во време кога моќна американска флота веќе е близу до Иран, а американски дипломати настојуваат да отворат дијалог за иранската нуклеарна програма. Претседателот Доналд Трамп предупреди дека воените бродови и авиони во Персискиот Залив се спремни да дејствуваат ако Техеран одбие договор.

извор

Момче убило висок офицер на руската агенција за цензура

3 февруари 2026

Шеснаесетгодишно момче е приведено во Москва поради убиството на Алексеј Бељаев, заменик-шеф на агенцијата Роскомнадзор задолжена за цензура на интернетот во Русија.
Според неофицијални извори, момчето Артјом А. со нож го нападнало Бељаев на влезот во агенцијата на 19 јануари. Нема никакви официјални записи за инцидентот.
Агенти од Федералната служба за безбедност брзо интервенирале и наметнале најстрога информациска блокада. Две недели не била објавена вест за убиството ни по медиумите ни на социјалните мрежи.
Во објава што брзо била отстранета од платформата Телеграм, мајката на момчето напишала дека нејзиниот син е обвинет за „убиство со политички или идеолошки мотиви“. Обвинителите тврдат дека Артјом е „жесток противник на активностите на Роскомнадзор“ и дека го планирал убиството.
Одделението на Бељаев е задолжено за блокирање сајтови, пренасочување интернет сообраќај и борба против заобиколување на наметнатите ограничувања.

извор