- Првата причина е што левите партии комплетно изгубија контакт со работниците и огромен дел од електоратот ги доживува како дел од глобалистичките елити кои работат во интерес на финансискиот и банкарскиот сектор.
- Втората причина се нивните кратковиди политики по прашање на имиграцијата и затворањето очи пред проблемите и предизвиците кои ги носи имиграцијата што го искористија десните партии.
- Сумирајќи го 11 годишното членство на Хрватска во ЕУ, независниот пратеник Нино Распудиќ вели дека ЕУ не е „ниту волшебно стапче ниту затвор“ и од секоја членка зависи колку ќе ја искористи рамката а најголем проблем за Хрватска е иселувањето на млади и школувани луѓе.
- Израелскиот парламент прифати да го разгледува предлог-законот за воведување смртна казна за терористички напади, насочен кон палестинските милитанти што убиле израелски цивили. Законот е префрлен на комисиска расправа и треба да помине низ четири гласања.
- „Вака треба да се бориме против теророт. Ова е начин да ги обесхрабриме. Откако ќе го усвоиме законот, ќе ги пуштаме терористите само во пеколот“, изјави министерот за национална безбедност Итамар Бен-Гвир, кој го предложи законот.
- Противниците на законот тврдат дека егзекуциите ќе го остават Израел без механизмот на размена на палестински затвореници за израелски војници или цивили. Во неодамнешните размени со Хамас, Израел ослободуваше по стотици палестински затвореници за секој грабнат Израелец.
- Бен Гвир го посочи случајот на лидерот на Хамас, Јахја Синвар. Тој во 2011 година беше ослободен од затвор при размена на 1.000 палестински затвореници за еден израелски војник заробен во Газа. Синвар во 2023 година го организираше терористичкиот напад врз Израел, во кој беа убиени повеќе од 1.200 луѓе и 254 беа грабнати и префрлени во Газа.
- Израел во 1954 година ја укина смртната казна за убиства. Единствениот човек што бил погубен во Израел бил Адолф Ајхман, архитектот на нацистичкиот холокауст, во 1962 година.
