Вести › Набрзинка

Дури сега се охрабрија да го спомнат Груби

18 март 2024

Функционерите што беа опоменати за кршење на Етичкиот кодекс покажаа видлива промена, освен Груби, рекла вицепремиерката за политики за добро владеење, Славица Грковска.
Тој имал две опомени (за користење на службени простории безвезе), мува не го лазело па пратиле допис до премиерот кој требало според Етичкиот кодекс да одлучи која е мерката што ќе ја изрече. Мерка не чувме.
Грковска вели дека е законска одлуката на Владата за изнајмување 45 возила на лизинг, иако со таа рата возилата можеле да се купат.
Нема корупција, но нема ни домаќинлук во изнајмувањето возила за Владата: За три години користење, државата плаќа речиси колку продажната цена на автомобилите, пишуваше Призма.

извор

„Мајчински“ солзи за владиката на „Православната црква на Северна Македонија“

27 ноември 2024

Бугарскиот патријарх Даниил испрати писмено сочувство по повод смртта на митрополитот Дебарско-кичевски Тимотеј.
Сочувството и испратено до „Неговото блаженство, северно-македонскиот архиепископ Стефан“.
„В тези тежки за Вас и за цялата Православна църква на Северна Македония часове изказваме нашите искрени съболезнования за временната раздяла с упокоения наш събрат!“, ќе напише Даниил.

извор

Животот победува: Скопјанка родила на 61 година

26 ноември 2024

После 37 години во брак во кои имала тешко гинеколошко и акушерско минато, со 10 инвитра зад себе и 10 спонтани абортуси, пациентка од Скопје на свет го донесе бебето Петар.
Целата бременост ѝ била следена во државава, а породувањето било извршено со царски рез во 36. гестациска недела. Oстанала бремена со ин витро третман извршен во земјава со сопствена јајце-клетка која била криопрезервирана, односно замрзната.
„Овие родители не потклекнале на неуспесите, не потклекнале на притисоците од околината и на стереотипите и предрасудите со коишто живееме. Затоа на Петар и на неговите родители им посакувам да имаат многу прекрасни моменти и уште долго да уживаат во прекрасни семејни моменти“, рече директорката на Универзитетската клиника за гинекологија и акушерство, Ирена Алексиоска-Папастиев.
Петар е роден со тежина од два килограми и 350 грама и должина од 48 сантиметри.

извор