Вести › Набрзинка

Даниела од Аеродром му го препушта археолошкото наследство на надзорен инженер

10 април 2023

Законот за измена на законот за културно наследство со кој меѓу другото инжињери ќе можат да решаваат за археолошки наоѓалишта на трасата каде што ќе поминува коридорот 8 што ќе го гради фирмата Бехтел Енка, е толку лош што СДСМ за него можел да обезбеди само една пратеничка Македонка како предлагач - Даниела Николова, пратеничка од Аеродром.
Предлагачи на Законот за измени на законот за заштита на културното наследство се: Арбер Адеми, Арбен Зибери, Арта Билали Зендели, Бајрам Кадрија, Берат Ајдари, Рина Ајдари (сите од ДУИ), Даниела Николова и Љатифе Шиковска (од СДСМ), и Халил Снопче од Алијанса на Албанците.
Ниту еден од нив нема никаква врска со културно наследство или археологија.
Со предложените измени евентуалните пронаоѓалиште ќе се пријавуваат кај надзорниот инженер кој нема да има никаква обврска пронајдокот да го пријави кај надлежните. Исто така со измените е пропишано дека тој ќе ги чува и ќе се грижи за евентуалните откритија. При тоа никаде не е пропишано како ќе го прави тоа. „Излегува дека надзорниот инженер во исто време ќе биде и археолог“, вели претседателот на Македонското археолошко здружение, Орданче Петров.

извор

Притвор за луѓе од гостиварски Комуналец, кризна состојба во градот

21 јули 2026

По 30 дена затворски притвор добија тројца осомничени – Арта Асани директорка на ЈП „Комуналец“ – Гостивар и раководителите Леон Уредини и Вадедин Дервиши, одлучи судијата на претходна постапка Ќирко Михајлоски од гостиварскиот суд.
Обвинителството ги товари Асани, Уредини и Дервиши за кривично дело „тешки дела против животната средина и природата“ за кое казната е од четири до максимални 20 години затвор.
Во едно деноноќие во гостиварската болница биле прегледани нови 198 пациенти, информира директорот на болницата, Емри Бајрами. Поради здравствената состојба во која се наоѓа, еден од пациентите е упатен на Инфективната клиника во Скопје.
Владата донесе одлука за прогласување на 30 дневна кризна состојба во Гостивар.

извор

Запленети бази со комуникации од партијата на Орбан

21 јули 2026

Истражители од унгарското обвинителство денеска извршија претрес во просториите на партијата Фидес на поранешниот премиер Виктор Орбан и запленија компјутерски сервери со електронски пораки и комуникации.
Обвинителството објави дека претресот е дел од истрагата за корупција и злоупотреба на пари од Националниот фонд за култура.
Даночните власти открија дека управата на Фондот спротивно на правилата издала 1.079 грантови во вкупна вредност од 54 милиони долари. Приведени се шест лица, вклучувајќи политичари од гарнитурата на Орбан.
Фидес ја оцени рацијата како обид на новиот премиер Петер Маѓар и на неговата партија Тиса да ја уништат опозицијата: „Вакво нешто немало во Унгарија уште од крајот на комунистичкиот режим во 1990 година“.

извор