Вести › Набрзинка

Цуцуловски: Клучно е да се утврди што му претходеше на упадот во Собранието

27 април 2022

Не е клучно прашањето каква природа имаше насилниот влез на граѓаните во Собранието, бидејќи клучно е да се утврди што му претходеше на упадот во Собранието, оти тоа што е после (упадот) не може да биде причина на тоа што му претходело. Односно, реакцијата не може да биде причина, туку само одговор/последица на тоа што му претходело.
Без да се проверат претходните елементи не ни може со неопходната законска и уставна точност да се утврди дали конституирањето на тогашното ново Собрание било легално и уставно.
Токму од тоа зависи како ќе се оцени, според тоа и суди, упадот на граѓаните во Собранието, кој не може да биде ништо друго освен само последица/реакција на тоа што му претходеше.

извор

Сенатор: Убавината е да им плаќаме на Украинците да убиваат Руси

15 ноември 2026

Сенаторот Рубен Галего (демократ од Аризона) изјави дека „убавината“ на речиси петгодишната руско-украинска војна е во тоа што САД „им плаќаат на Украинците да убиваат Руси“.
Галего, кој пред да влезе во Сенатот, десет години беше во претставничкиот дом, на Икс напиша дека Украина може да ја добие војната ако нејзините сили убијат доволно Руси.
„'Украина не може да победи' е руска приказна. Затоа што Русија била голема, бла, бла... Ако Украина убие доволно Руси, ќе дигнат раце“, напиша тој.
Кога во коментар доби предлог да ѝ се придружи на украинската легија на странци, Галего одговори: „Не, тоа е убавината на ова; можеме да им платиме на Украинците да ги убиваат Русите“.

извор

Здружените италијански мафии ја засилиле соработката со албанската

14 ноември 2026

Трите најголеми италијански мафијашки групи формирале нов сојуз, кој ја засилил соработката со албанската мафија за трговија со дрога. „Најновите истраги открија стабилни и стратешки односи меѓу организации од Калабрија со Албанците“, изјави Никола Пјаченте, главниот обвинител на Џенова.
Сицилијанската Коза ностра, калабриската Ндрангета и неаполската Камора ја препознале штетата од меѓусебните војни и формирале сојуз „Хидра“ за да го зголемат профитот од своите криминални активности, без да ја жртвуваат автономијата.
„Јасно е дека исчезнуваат историските разлики меѓу мафијашките организации, дури и во трговијата со дрога“, заклучува во нов извештај националниот обвинител за борба против мафијата, Џовани Мелил.
Проширена е и соработката со криминални групи од Кина за меѓународни исплати преку паралелен систем за трансфер на пари познат како „хавала“.
Парите од шверц на дрога од Јужна Америка ги перат преку инвестиции во градежништво, фирми за управување со отпад и супермаркети.

извор