- Македонските автори и уметници мора да го познаваат потпишаниот договор и протокол со Бугарија ако помислат да бараат финансиска поддршка од својата држава.
- Петар Андоновски (писател): „Збунувачки и застрашувашки. Прво, јас треба да внимавам што ќе пишувам, дека некој друг ќе одлучува дали е тоа прифатливо или не и впрочем: што е говор на омраза? Дали историската вистина е говор на омраза?“
- Дарко Митревски (режисер): „Ваков орвелијански тоталитаризам, европскиот континент не памети од времето на нацизмот во Втората светска војна. Да се забранува не само слободен говор туку да се забранува и слободна мисла. Да ти се забранува да мислиш“.
- Министерката за култура им порачува да не се грижат. Каков тоа дунстер плаќаме на таа висока позиција говори нејзината препорака до македонските автори и уметници „да се твори во духот кон тоа што ќе го расположи народот“.
- Поранешната државна секретарка на САД, Хилари Клинтон, изјавила пред Комитет на Конгресот дека не се сеќава дека го сретнала сексуалниот престапник Џефри Епстин и дека нема што да каже за неговите криминални активности.
- „Не знам колку пати треба да кажам дека не го познавав Џефри Епстин. Никогаш не сум била на неговиот остров и неговите домови“, изјави Хилари Клинтон на репортерите по седумчасовното сведочење зад затворени врати. Додаде дека конгресмените, меѓу другото, ја прашувале за НЛО и за теоријата на на заговор „Пицагејт“ – дека управувала со пицерија која служела како параван за синџир со детска проституција.
- Во еден од објавените документи од досието Епстин тој напишал дека „Хилари Клинтон изгледа многу поубаво во живо“. Претседателот на Комитетот, Џејмс Комер, забележа дека Епстин 17 пати ја посетил Белата куќа во двата претседателски мандати на Бил Клинтон, кога Хилари беше прва дама на САД.
- Денеска пред Комитетот треба да сведочи и Бил Клинтон. Него го има на многу фотографии заедно со Епстин и со девојки на неговите имоти.
- „Клинтонови не одговорија на многу прашања за Епстин. Во овој момент никој не ги обвинува Клинтонови за какво било кривично дело. Тие ќе имаат соодветна постапка. Но, имаме многу прашања, а целта на истрагата е да се обидеме да разбереме многу работи за Епстин“, изјави Комер.
- Пакистански авиони бомбардираа цели во Кабул, Кандахар и други градови во соседен Авганистан, по неколкудневни престрелки на границата.
- „Нашето трпение се прелеа. Сега е отворена војна“, објави министерот за одбрана Хаваџа Мохамад Асиф.
- Покрај бомбардирањето, Пакистан извршил и артилериски и воздушни напади врз талибански позиции, штабови и складишта за муниција во повеќе сектори долж границата од 2.600 километри.
- Исламабад тврди дека во првичниот бран напади биле убиени 133 авганистански војници и повеќе од 200 биле ранети. Талибанците тврдат дека убиле десетици пакистански војници.
- Властите во Исламабад ги обвинуваат талибанците дека им даваат засолниште на милитантни групи што спроведуваат напади врз Пакистан и потоа се повлекуваат во Авганистан. Талибанците го отфрлаат обвинувањето.
