Вести › Набрзинка

Брилијантниот Игор Радев: Аморалноста на морализирањето

6 мај 2022

Американците се убедени дека нивниот политички систем не е просто најдобар, туку дека е единствено можен, па следствено – му „нема алтернатива“, сметаат дека нивниот економски модел не е само најефикасен, ами единствено можен, та и за него – „нема алтернатива“, веруваат дека нивните општествени норми не се просто најсоодветни за нив, а единствено можни за сите, значи, им „нема алтернатива“.
Во англосаксонската, а особено американската средина, само моралот што е сигнализиран нанадвор е морал, бидејќи тоа му е единствената функција, да служи како „амблем“, „знак за распознавање“ на „избраните“ наспроти оние „проколнатите“.
И најситната доблест мора да биде ставена „на излог“ за сите да ја видат. Ова придонесува социјалниот живот да се претвори во исцрпувачки натпревар по морален нарцизам, нешто како:
- „Оф, колку сум јас морален, дури сум и вегетаријанец!“
- „Не, не си поморален од мене, знаеш, јас сум веган, оф, оф!“ - „Каде можете да се мерите по моралноста со мене, јас сум, видете, фруктаријанец, оф, оф, оф!“
На наши очи се роди цела една религија, во којашто зборот „Бог“ е заменет со зборот „Запад“, поимот „Месија“ со „Америка“, зборот „Рај“ – со „Европска Унија“, а „Сатана“ – со „Русија“ (сега за сега)… Да не сум заборавил нешто? – А да, пекол. Што религија ќе беше без пекол? Не знам, имам впечаток дека самата Македонија на мнозина им служи како замена за концептот на „пеколот“.

извор

Го убија иранскиот ајатолах?

28 февруари 2026

Врховниот лидер на Иран, ајатолахот Али Хамнеи, е убиен во нападите на САД и Израел врз Иран, пишува Њусвик.
Израелските власти првично соопштија дека има „знаци“ дека Хамнеи е мртов, но рекоа дека ја потврдиле неговата смрт а неговото тело е пронајдено, известил Ројтерс.
Од друга страна, иранските новински агенции „Тасним“ и „Мехр“ објавија дека врховниот лидер е „стамено и цврсто командува на теренот“.

Сателитските снимки покажаа дека претседателскиот комплекс на Хамнеи во Техеран е срамнет со земја, но постоеше неизвесност за тоа каде се наоѓа ајатолахот.
Имаше извештаи дека Хамнеи бил преместен во безбеден објект. Неколку часа по нападите, иранските медиуми најавија негово обраќање до нацијата, но, тоа не се случи.
86-годишниот Хамнеи владееше со Исламската Република 36 години откако стана нејзин втор лидер во 1989 година, наследувајќи го Хомеини.

Види и: Меѓународниот поредок опстанува заради наивноста на неговите критичари

извор

Иран го затвори Ормускиот теснец

28 февруари 2026

Иранската Револуционерна гарда преку радио-порака ги предупредила сите бродови во регионот на Персискиот Залив дека не им е дозволено да поминат низ Ормускиот теснец. Ова го ијзавиле извори на Ројтерс, а го потврди британската Агенција за поморска трговија, која добила извештаи од повеќе бродови.
Низ теснецот поминува 20% од извозот на нафта и гас од Иран, но и од Ирак, Саудиска Арабија и Обединетите Арапски Емирати.
Техеран со години се заканува дека ќе го блокира сообраќајот како одговор на притисоците и заканите, но тоа никогаш досега не го сторил.
Дури и ограничени прекини во сообраќајот на танкерите низ теснецот би можеле да имаат значителни последици врз глобалната економија и енергетскиот пазар.

извор