Вести › Набрзинка

Блескаат: Науката станува фантастика

19 ноември 2022

Буџетот за наука предвиден за следната 2023 година е најнизок во последниве 10 години.
Иако државниот буџет секоја година се зголемува, оваа година за наука биле предвидени дури 42% помалку пари во споредба со 2014 година, а за следната се предлагаат дури 66% помалку во споредба со тогаш.
„Науката е мотор на практиката, стожер без чиишто научни докази и достигнувања е невозможен каков било прогрес“, бесрамно ќе лупне актуелниот министер за образование и наука, Јетон Шаќири.

извор

Путин прифаќа директни преговори со Украина

21 април 2025

Рускиот претседател Владимир Путин поддржа директни преговори со Украина за нови примирја како велигденското.
„Тоа треба внимателно да се проучи, можеби дури и билатерално“, изјави Путин за предлогот од Володимир Зеленски за 30-дневен прекин на огнот.
Украина и Русија немале директни преговори речиси три години.
Американскиот претседател Доналд Трамп и државниот секретар Марко Рубио во петокот предупредија дека САД ќе се повлечат од мировните напори ако двете страни „во рок од неколку дена“ не постигнат напредок.

извор

Хегсет споделил детали за ударот врз Јемен и во друга група на Сигнал

21 април 2025

Шефот на Пентагон Пит Хегсет споделил детали од воениот удар врз Јемен на 15 март во група на платформата Сигнал во која биле десетина лица, вклучувајќи ги неговата сопруга, братот и личниот адвокат, објави Ројтерс, повикувајќи се на четири сигурни извори.
Сопругата на Хегсет, Џенифер, е поранешна продуцентка во телевизијата Фокс њуз. Таа е вработена во Пентагон и присуствувала на најмалку две чувствителни средби на Пит со странски министри и офицери. Неговиот брат Фил е службеник за врска помеѓу министерствата за внатрешни работи и за одбрана.
Хегсет веќе е под притисок откако пред еден месец беше откриено дека уредникот на порталот Атлантик, Џефри Голдберг, по грешка бил вклучен во групата на Сигнал во која се разменувале детали од воениот напад врз бунтовничките хути во Јемен.
„Уште еден ден, уште една стара приказна, вратена од мртвите. Немало никаква доверлива информација на никаков чет на Сигнал, без оглед на колку начини настојуваат да ја напишат приказната“, коментираше портпаролот на Пентагон, Шон Парнел.

извор