- Биткоинот се искачи на историски максимум од 75.060 долари уште со раните резултати од претседателските во САД го фаворизираа Доналд Трамп.
- Пазарот на криптовалути реагираше позитивно на изгледите за победа на Трамп, во кој се гледа поддржувач на дигиталните средства.
- Ентузијастите очекуваат про-крипто ставот на Трамп да поттикне иновации и раст во индустријата за дигитални средства, во корист на инвеститорите и економијата. Скептиците, пак, стравуваат дека победата на Трамп ќе води кон до дерегулација и зголемување на ризиците од манипулации на пазарот и финансиска нестабилност во крипто секторот.
- Австралија усвои закон за бришење на 20% од долговите за студирање, што значи дека околу 3 милиони луѓе ќе бидат финансиски растоварени за вкупно 16 милијарди австралиски долари.
- Дипломците во Австралија го завршуваат високото образование со просечен долг од 27.600 долари, кој го отплаќаат од плата кога ќе се вработат. Од оваа сума ќе им бидат простени по околу 5.500 долари, во зависност од сојузната држава. Ова право нема да важи за оние што заработуваат повеќе од 180.000 долари годишно.
- Простување на студентските долгови беше едно од главните ветувања на владејачките лабуристи пред изборите во мај, како мерка за ублажување на зголемените трошоци за живот. „Образованието не смее да ги оптовари младите луѓе до крајот на животот“, објави премиерот Ентони Албанезе.
- Променет е и системот за кредитирање и отплата на долгот за студирање. Плафонот за задолжување е кренат на 67.000 долари, а задолжителната рата е спуштена од 1.750 на 450 долари.
- Неодамнешна голема ревизија на високото образование заклучи дека 80% од работната сила во Австралија треба да има високо образование, за да биде земјата глобално конкурентна до 2050 година. За да ја постигне таа цел, Универзитетите треба да ги удвојат капацитетите и да примат уште 1,8 милион студенти.
- Американскиот претседател Доналд Трамп објави нови царини за Бразил и Јужна Кореја, како и за увоз на бакар и мали пакети во САД. Ова е загревање за утрешниот „Голем ден за Америка“, кога завршуваат трговските преговори и ќе бидат објавени царините за сите земји во светот, без одлагање.
- Со Сеул е постигнат договор за царинење на јужнокорејските производи со 15%. Јужна Кореја ги укинува царините за американски производи и се обврзува да инвестира 350 милијарди долари во американски проекти избрани директно од Трамп, и да купи течен природен гас и други енергенси од САД во вредност од 100 милијарди долари.
- За Бразил е одредена висока царина од 50%, како притисок против кривичното гонење на поранешниот претседател Жаир Болсонаро, обвинет за планирање државен удар. Царината ќе биде пониска за некои производи, како авиони, енергија и сок од портокали.
- Трамп воведе и општа царина од 50% за увоз на бакарни цевки и жици. Објавата веднаш ја урна цената на американскиот бакар на берзите за 17%. Оваа мерка најсилно ќе ги погоди Чиле и Перу, најголемите извозници на бакар во САД.
- Веднаш на сила стапува и царинењето на производи испратени во САД во мали пакети со вредност до 800 долари.
