- Американскиот претседател објави дека повторно ќе се кандидира за претседател на САД на изборите 2024, и повторно со Камала Харис како негова потпретседателка.
- Иако е стандардно актуелен претседател да се кандидира за втор мандат, во случајот со Бајден дилемата беше заради неговата возраст и здравствените проблеми кои доаѓаат со неа. Бајден има 80 години, по завршувањето на вториот мандат тој ќе има 85 години.
- И на денешен ден, со 80 години, Бајден е најстариот претседател во историјата на САД.
- За сега најверојатен противкандидат на Бајден е неговиот претходник Доналд Трамп, кој сега ќе треба да ја истрча целата трка почнувајќи од изборите за партиски кандидат.
- „Се отвора Пандорината кутија“, велат луѓе кои се бават со јавни набавки во една хрватска државна фирма по повод скорешна одлука на Судот на ЕУ.
- Очекуваат тектонски промени во јавните набавки во земјата, особено за големите инфраструктурни зафати кои ги изведуваат државни фирми, откако судот порача дека компании од трети земји кои немаат склопено меѓународен договор со ЕУ, не можат да учествуваат во јавните набавки во земјите од Унијата.
- По тужба на турска компанија која изгубила од австриски конкурент (за железничката пруга Хрватски Лековац - Карловац) , Судот решил дека бидејќи Турција нема договор за слободна трговија со ЕУ, не смее да има пристап кон пазарот на јавни набавки и заштита на правата.
- Полицијата приведе двајца Пензионирани полициски инспектори кои со години работеле како полициски кртови за криминалната група од скопски Грчец.
- Пензионираните инспектори преку третото лице ја информирале криминалната група за активностите на полицијата во повеќе случаи на убиства, киднапирања и планови на полицијата. Во 2019та полицајците во име на криминалната група дури и му се заканувале на едно лице да го смени исказот а неполна година подоцна ги известиле криминалците дека полицијата ќе прави рација поради што и пропадна големата полициска акција против оваа група во јавноста позната под кодното име Планина.
- Не запреле тука. Наредната година ги информирале криминалците и за двојното убиство во скопски Чаир. Им кажале кој се е приведен, што зборувал во полициска станица и кои инспектори го работат случајот. За сите информации биле дебело платени.
