Вести › Набрзинка

Американскиот пратеник за Хаити поднесе оставка заради „нечовечката депортација“ на бегалците

23 септември 2021

Даниел Фут доаѓа на позицијата во јули, по атентатот на претседателот на Хаити, меѓутоа и пред робовладетелските сцени со каубојци на коњи како ги гонат бегалците на Рио Гранде тој е длабоко фрустриран од бавноста со која Вашингтон се справува со Хаити и тамошните проблеми.
Во документот што го испраќа до државниот секретар на САД, Фут наведува дека веднаш заминува од позицијата „со длабоко разочарување и извинувања за сите оние кои бараат клучни промени.“
Кампот во близина на Дел Гранде значително е намален во однос на пикот од саботата кога во него имаше речиси 15.000 мигранти од Хаити. Најголемиот дел од нив или се вратени назад во Хаити или се пуштени низ САД со услов дека мора редовно да се јавуваат кај имиграциските власти на земјата.

извор

Со „Безбеден град“ бројот на загинати во сообраќајки се намалил за 40%

27 јуни 2026

Од почетокот на примената на камерите, на 2 февруари 2026 година, во првите пет месеци е забележано намалување на бројот на загинати лица во сообраќајни незгоди за 40 проценти; 33 загинати лица, наспроти 55 во истиот период лани.
„До 22 јуни 2026 година, преку системот се регистрирани над 120.000 сообраќајни прекршоци, од кои повеќе од 95 проценти се однесуваат на пречекорување на дозволената брзина“, информираше министерот за внатрешни работи, Панче Тошковски.
До крајот на 2026 година се очекува проектот „Безбеден град“ да биде целосно имплементиран на територијата на државата, опфаќајќи ги поголемите градови и главните патни правци.
Уште на некој во државава да му текне да ги обележи патиштата со прецизни и реални ограничувања на брзините, и да ги извади и замени небулозните знаци по кои еден километар на прав автопат после тунелот во Демир Капија уште брзината е ограничена на 80 км/ч (па и камери натопориле), или пак кога после долга полна линија конечно ќе дочекаш прекината линија ама истовремено и знак 40 км/ч, по што ти останува да се надеваш дека ќе начекаш некој на ролшуи, за да имаш нешто да да претицаш.

извор

Во Венецуела сè уште се трага по 50.000 исчезнати

27 јуни 2026

Бројот на загинати во двата разорни последователни земјотреса во Венецуела (7,2 и 7,5 степени во интервал од само 39 секунди) оди кон 1.000, повредени има регистрирано речиси 4.000 но најзагрижувачки е огромниот број луѓе кои се водат како исчезнати.
Огромен дел од нив се наоѓаат под урнатините а во случаи на вакви неволји, што повеќе време минува, толку помали се шансите да се најдат преживеани.
За критичен период се сметаат 72 часа и во тек е трка со времето во која помагаат и екипи од разни земји кои пратија луѓе, пари и опрема во унесреќената земја.
Најголеми штети се пријавени во државата Ла Гваира на карипскиот брег, но разурнувања има и во главниот град Каракас и други делови од земјата.
За несреќата да биде поголема, денес удрил уште еден земјотрес од 4,9 рихтери.

извор