Вести › Набрзинка

Америка на црна листа го стави Рамиз Мерко

20 јуни 2023

САД го означуваат градоначалникот на Струга Рамиз Мерко како неподобен за влез во САД поради неговата вклученост во значајна корупција, соопшти Стејт Департментот.
Велат дека како градоначалник на Струга, Мерко злоупотребувал општински средства и се мешал во судски и други јавни процеси, наштетувајќи ѝ на довербата на македонската јавност во демократските институции и функционери.
На црната листа на САД истовремено се ставени и неговата сопруга Шпреса и трите полнолетни деца, Генц, Назмије и Дренуше.
Потсетување: Мерко е градоначалник од редовите на ДУИ а ДУИ е еколошка партија.

извор

Домородците удрија врз климатскиот самит: Вратете ни ги шумите!

12 ноември 2025

Десетици домородци од амазонските племиња насилно упаднаа во зградата во која се одржува глобалниот климатски самит КОП30 во бразилскиот град Белем, протестирајќи против земјоделците и индустријалците што ги загрозуваат нивните заедници и им ја уништуваат природата од која живеат.
Воинствените демонстранти се судриле со обезбедувањето, при што имало и повредени, но биле спречени да се пробијат до главната сала во која биле високите светски претставници.
„Нашата земја не е на продажба. Не јадеме пари. Сакаме нашите земји да бидат заштитени од агробизнисот, црпењето нафта, нелегалните рудници и сечата на дрвја“, порача претставник на локалното племе Тупинамба.
Токму заради самитот КОП30 бразилските власти ја осакатија Амазонската прашума. Десетици илјади хектари заштитена шума беа жртвувани за да се изгради автопат од 13 километри од аеродромот во Белем до конференцискиот центар.

извор

Франција одби задолжително вакцинирање против грип

12 ноември 2025

Француските пратеници го отфрли владиниот предлог за задолжително вакцинирање против грип на медицинскиот персонал и здравствени работници што се повеќе изложени на вирусот.
Слободата на избор за вакцинирање е основен принцип. Треба да ги убедиме луѓето да се вакцинираат, а не да ги принудиме на тоа, изјави пратеникот Кристоф Бенц од опозицискиот Национален собир.
Левичарската опозиција ја пофали стапката на вакцинирање против грип од 82% во домовите за стари лица, но забележа дека во законот не е дефинирано што ќе се прави со оние што не сакаат да примат вакцина. „Какви ќе бидат последиците? Дали ќе мора да бидат отстранети од домовите?“, забележа Адриен Клуе од ЛФИ.
Задолжителната вакцинација против грип за „критичните“ групи беше предвидена со предлог-буџетот за 2026 година.

извор