Вести › Набрзинка

Америка бара од Полска да ѝ позајми „Патриот“

31 март 2026

Полска добила „неофицијално“ барање од САД привремено да ѝ позајми еден од своите системи за воздушна одбрана „Патриот“, заради распоредување на Блискиот Исток.
Полска моментално има само две оперативни батерии Патриот, што значи дека позајмицата би значело губење на половина од нејзините капацитети за воздушна одбрана од тој тип.
Земјата има нарачано уште шест Патриоти но тие ќе бидат испорачани кон крајот на оваа деценија.
Варшава нема донесено одлука по американското барање. До лани одбиваа префрлање на Патриотите бидејќи „Полските Патриоти го бранат полското небо“.

14 мај 2026

Реагирајќи на жалба на Првите народи, суд во Едмонтон ја блокира иницијативата за организирање референдум за независност на канадската провинција Алберта.
Движењето Stay Free Alberta достави барање со потписи од 300.000 потписи, што ја обврзува покраинската влада да распише референдум за прашањето за независност.
Судијката Шаина Леонард ја запре процедурата, пресудувајќи дека за иницијативата не биле консултирани домородните племиња Атабаска Чипјујан, Блад, Пиикани и Сиксика, поради што биле загрозени договорите што тие во 19 век ги постигнале со тогашните британски власти.
„Меѓународната граница би го уништила нивниот начин на живот. Нема шанси тие да продолжат да живеат како што живееле во изминатите 7.000 години“, изјави адвокат на племето Чипјујан.

14 мај 2026

Американскиот претседател се решил да оди со ласкање иако домаќинот јасно предупредил да внимава да не дојде до големо недоразбирање меѓу двете земји.
Претседателот Си нагласил дека прашањето за Тајван е најважното прашање во односите меѓу Кина и САД. Доколку се реши правилно, билатералните односи ќе уживаат целокупна стабилност. Во спротивно, двете земји ќе имаат судири, па дури и конфликти, ставајќи ги комплетните односи во голема опасност.
„Независноста на Тајван“ и мирот преку теснецот се непомирливи како оган и вода, смета кинескиот претседател. Зачувувањето на мирот и стабилноста низ Тајванскиот теснец е најголемиот заеднички именител меѓу Кина и САД поради што американската страна мора да покаже дополнителна претпазливост во решавањето на прашањето на Тајван, му биле порачано на гостинот.