Вести › Набрзинка

Алан Форд се гаси, најавен е нов лик

12 септември 2023

Во Италија излезе 650-от број на култниот стрип Алан Форд а неговиот творец, Макс Бункер (Лучано Сечи), рече дека уште десет броја и доста е.
Тој ја има осмислено дружината уште во 1969 година, ги црташе стрип уметникот Магнус (Роберто Равиола) а во Југославија стрипот беше обожуван и заради генијалниот превод на Ненад Брикси.
Бункер признава дека се заморил од Алан Форд и дека ќе работи на нов лик, женски. Ќе се вика Петра и во моментов не е јасно дали ќе има врска со бандата на Број 1 или ќе биде скроз башка приказна.

26 март 2026

Танкер за сурова нафта во сопственост на турска компанија бил погоден во координиран напад со летечки и пловечки дронови близу Истанбул, 14 милји од Босфор. Никој не ја презеде одговорноста за нападот.
Танкерот „Алтура“ испловил со 140.000 тони сурова нафта од Новоросијск, на рускиот брег на Црно Море. Дроновите предизвикале штета на палубата и во машинското одделение, кое се наполнило со вода.
Министерот за транспорт Абдулкадир Уралоглу изјави дека нема повредени меѓу 27-те члена на екипажот.
Танкерот бил под санкции од Европската Унија, класифициран како брод од „Флотата во сенка“ на Русија.

25 март 2026

Иранската морнарица објави дека истрелала крстосувачки проектили кон американскиот носач на авиони „Абрахам Линколн“. Ракетите не го погодиле носачот на нуклеарен погон, но го принудиле да ја промени позицијата. Американските сили не реагираа на ова тврдење.
„Постојано го следиме движењето на носачите и штом непријателската флота навлезе во дострел на нашите ракетни системи, таа ќе биде цел на моќни напади“, изјави командантот на иранската воена морнарица, адмиралот Шахрам Ирани.

И на 1 март Иран објави дека го погодил „Абрахам Линколн“ со балистички проектили. Централната команда на САД тоа го отфрли како „лажна вест“, прикажа снимки од носачот и објави дека ракетите „не се ни приближиле“ до него.
САД веќе го повлекоа од борбена позиција другиот носач на авиони „Џералд Форд“, откако пред две недели избувнал пожар во пералницата и стотици морнари останале без своите кревети. Носачот плови на поправка во бродоградилиште на Крит.