Фетучини во крем сос

Порции

4 лица

Состојки

• 500 гр. фетучини
• 1 лажица маслиново масло
• 1 лажица путер
• 1 главица кромид
• 2 чешниња лук
• 220 мл. хопла
• 2 лажици крем сирење
• 2 лажички оригано
• 1 лажичка жалфија
• 2 лажици свеж магдонос, ситно сецкан
• сол и бибер
• кашкавал

Подготовка

Сварете ги фетучините во големо тенџере со вода и сол, според упатството на ќесата.
Во голема тава загрејте го маслиновото масло и путерот на среден оган. Додадете ги лукот и кромидот. гответе ги една минута со постојано мешање. Намалете ја јачината на ринглата на најслабо и постепено додадете ја хоплата. Потоа додадете го крем сирењето. Гответе ја смесата околу 5 минути додека да се згусне и сирењето да се растопи. На крај додадете ги сите зачини и добро промешајте. Зачинете со сол и бибер по вкус.
Сварените фетучини процедете ги од водата и додадете ги во сосот. Промешајте ги за да се облијат со сосот од сите страни. Оставете ги да одстојат 5 минути пред да ги послужите.
Фетучините сервирајте ги во чинија и изрендајте кашкавал по желба.