Време на подготовка:
25 мин.
Време на готвење:
15 мин.
Вкупно време:
40 мин.
Порции
16 парчиња
Состојки
- 100гр. путер
- 150гр. шеќер
- 1 јајце, лесно изматено
- 1 лажичка бел оцет
- 1 лажичка црвена прехрамбена боја
- 200гр. брашно
- 1/2 лажичка прашок за пециво
- 2 лажици какао
- 100мл. млеко
- рендано чоколадо за готвење за декорација
Крем
- 120гр. крем сирење
- 60гр. путер
- 1 лажичка ванила екстракт
- 300гр. шеќер во прав
Подготовка
Загрејте ја рерната на 180 степени. Обложете со хартија 16 калапи за мафини.
Со миксер изматете го путерот и шеќерот 3-4 минути додека да добие кремаста текстура. Додадете го јајцето, оцет и црвена прехрамбена боја. Матете ги додека да се соединат. Додадете во смесата брашно и какао една по една лажица. На крај додадете млеко и добро измешајте за да добиете изедначено тесто.
Со лажица наполнете го тестото во калапите. Печете ги 15 минути. Оставете ги 5 минути да одстојат во калапите па потоа извадете ги да се изладат.
Во меѓувреме пригответе го кремот. Во длабок сад измешајте кремсирење, путер и ванила. Со миксер изматете ги додека да добиете изедначен крем. Постепено додавајте го шеќерот и продолжете со матење.
Префрлете го кремот во шприц за филување и декорирајте ги мафините по ваша желба. Одозгора испрскајте ги со рендано чоколадо за готвење.
На здравје!
