Седнаа заедно четворицата неприкосновени лидери на меѓусебе закрвените партиски племиња и од нив чекаме некако да дојдат при памет и да договорат како оваа какалурница да не заврши со општо клање. Со кого си имаме работа и кај кои ликови е одлуката?

Знаевме ние дека Исламот го забранува коцкањето ама не и дека на листата гревови, тоа е со поголем коефициент од, да речеме, јадењето свинско. И тоа по равенката: подобро пола кило свинско на ден отколку едно ливче во кладилница. А ние па бевме спремни да уплатиме стотче дека ... упс, шејтанот ни чука на врата.

Прости мајсторе, морав да напишам, а не смеев да објавам, како што се плашам на некој кој слави роденден на дете и објавил слика да му кликнам лајк за да не трпи заради моето виртуелно присуство таму. Знаеш и самиот кога во лудницата ќе се вознемират пациентите; нема говор на разум, рационалност ... мораш да чекаш да се смири а потоа сите ќе глумат како ништо да не било ...