Меѓу двата клипа е период од цели 5 години. И што научиле тие за 5 години? Ништо. Нему му е побитно да ѝ се развика пред камери отколку да ја објасни маката а и таа па, да не се знаело да се заќути додека друг зборува.

Во пресрет на заедничката свадба (ние го даваме Филип, Бекстејџ ја дава Емилија), објавуваме еден добро уловен момент од нивниот уредник Блажевски, на тема "На што сè мора да мисли нашиот премиер кога пред себе има ново остварување (и пар камери)". Колку да не ни рипаат девојките од Бекстејџ за изјава зошто сме нарачувале глупи песни на свадбата. За друго, нека рипаат. :)

Браво за сите кои учествуваа во еден ваков хепиенд: и младоженците и бендот и сватовите и Ласт Ескпедишн. Море браво и за сите нас кои уште можат да се развеселат на ваков момент. Накратко: Демир Хисар. Свадба. Шефе!

На многу дечки им имаме пишано дека нема да ја објавиме нивната кавер верзија што ни ја пратиле. А биле и инструментално перфектни и спотовите им биле добри. Сме им пишале дека ние би да форсираме авторска музика, бидејќи кавери водат кон тезги а тезгароши овде кај нас пуна капа. Дојде време таквата уредничко-музичка политика да ни мавне бокс.