Колку се само за почит овие од Чепкало проект! Не толку заради мешаниот етнички состав (Грци, Македонци, што и да е) туку заради љубовта, желбата, умешноста, радоста од она што го прават. Не чекаат субвенции за многудетни песни (како порано), не им требаат концерти за НАТО или градоначалници да ги качуваат на керамиди како сега, доволно е да се сретнат, една со дланки да држи ритам а потоа да ги сплетат гласовите во убав, фин вез.

Бидејќи нашите се зафатени со истоштувачката дилема дали да качат некоја акциза или дали да качат некоја акциза, економската стратегија на  најновите членки на НАТО ја објаснува Мило Ѓукановиќ од Црна Гора. Тоа што оваа финта не ни пали на личен пример се должи на еден факт: ние играме со наши пари, а тие играат со - наши пари.

За да ги заебавааат оние на кои им е работа/ должност/ чест да се одушевени од Вучиќ и власта и да голтнат сè во нивно име, пар пријатели од Србија решиле да ги зезаат фановите со лажни приказни. Чисто да видат до каде може да оди тоа. До каде? До крај.