Кај што возат, трева не расте. Ама, затоа не возат. Според изворот, ова е пругата Велес - Битола.

Mакедонско-маорска свадба во Нов Зеланд. Ние сме од кај невестата. Сме почнале први, со зурли и тапани но малку прелабаво сме ја сфатиле работата, со „Милионерче“ и „Шака - нака“. После, другиве на невестата ѝ рекле дека ќе одиграат една хака. Од памет ги извадиле нашиве! Па не моеш бе со Милионерче на такви луѓе! Преведи им ја онаа кога нашава го дала „најмалото, најубавото“, усвет да фатат Маорите со какво племе се имаат ујдисано.

Цане од Партибрејкерс ја напушти емисијата „Впечаток на неделата“ на Оља Беќковиќ на самиот почеток, по претставување на гостите и првата пауза за реклами. На заминувањето му претходеше чудна кавга околу децибелите. Оља со оној нејзин монашки шепот веројатно не добацуваше до Цане па овој ѝ кажа дека мора да ѝ чита од уста и дека можеби треба да се титлува. Па оваа му врати па Цане го снема.

Реципроцитет е збор што е многу добро познат во дипломатијата и демократиите. Реципроцитетот е единствен начин за градење стабилен пат кон иднината во односите помеѓу нашите две земји. Ние тоа не можеме да го градиме сами. За тоа се потребни двајца. Ако ги вклучиме Бугарите во нашиот устав како што сега бара Бугарија, а македонското малцинство да остане во сива зона во Бугарија, нема да го решиме проблемот на долги патеки.

Точно е дека патриотизмот не може да се сведе на чукање во гради и пеење македонски патриотски песни. Ама тоа важи главно за овде, кај што би требало да сме наши на нашето па онда таквото куражење е малку фејкерски. Ама кога ќе грмнат онаму каде што не ги признаваат, каде што им викаат дека се измислени, тоа веќе има сосема друга димензија. И се прави на сиот глас.

Илон Маск ги прави оние ракетине што можат да се вратат назад, Кинезине имаат 3Д принтер кој прави компплетна функционална куќа за само три дена, Јапонцине растураат со IoT (Internet of Things). Каде е Балканот? Дали Тесла беше последниот генијалец кој излезе од овие простори за да го осветли светот? Не. Сега кога светот е осветлен, тој треба малку и да се задими.