Човек и да сакал да направи драма во финишот на мечот Оклахома Сити Тандер - Њу Орлеанс Пеликанс не би можел да го изрежира тоа што се случи. Шеј Гилџус Александар гаѓа тројка од пола терен на 1,4 секунди пред крајот за израмнување 110-110. Во последен момент топката ја зема Девонте Грахам од гостинската екипа на Пеликанс и се случува циркус.

Барселона славеше на гостувањето против Црвена Ѕвезда со 76:69 во 15. коло од Евролигата. Не е битно што се играше кошарка, се гледа кој беше ѕвезда на вечерта.

Заборавете ги Реј Ален и Реџи Милер, новата историја со рекорден број на погодени тројки во НБА лигата ја испишува Стефон Кари. 2.974.

Бил Расел е можеби најголема легенда во НБА. Со 11 освоени шампионски титули од 1956 до 1969 величествениот центар на Бостон Селтикс е најтрофеен играч по број на титули. Две има освоено како играч-тренер.

Долга редица е забележана сабајлево на костозглобна. Еден се жалел на болки во колената, друг на кичма, а трет дошол со вртоглавица. Со оваа топ 5 НБА листа ќе сфатите за што се работи.

29 годишниот Гери Пејтон II е син на легендарниот Гери Пејтон, член на Куќата на славните и НБА шампион од 2006-та. Пејтон-помладиот играше во Вашингтон Визардс па во развојната Џ-лига, а сега е во Голден Стејт. На мечот против Индијана кој „воините“ го добија 102-100, Пејтон се одмораше зад клупата ама и таму направи беља, турна пиво на гледачите потпрено на ограда.

Никола Јокиќ уфрли 28 поени со дури 19 скока и 9 асистенции и на својот Денвер Нагетс му донесе нов важен триумф, овојпат против Вашингтон Визардс 113-107. Ама мечот го заврши на шест минути пред крајот кога судиите го исклучија поради приговор.

Пети Милс до Кевин Дурант, Кевин Дурант до Пети Милс, Пети Милс до Кевин Дурант, Кевин Дурант до Пети Милс, Пети Милс до Кевин Дурант, Кевин Дурант до Пети Милс...Доста ви е?

Јута Џез го растури Вашингтон Визардс со 123-98, но главен хајлајт од мечот е еден комичен обид на 28-годишниот Кентавиус Колдвел Поуп кој се реши да забива во еден напад, ама како да го утна аголот.

Денвер Нагетс го доби Сан Антонио Спарс 127:112 а одново најдобар играч на паркетот беше Никола Јокиќ со 35 поени, 17 скока, 8 асистенции и 2 блокади. МВП на НБА лигата буквално правеше што сака на теренот, од луцидни асистенции до силни забивања со кои го виткаше обрачот.

Предводени од својот најдобар играч, Далас Маверикс ја прекинаа серијата која траеше три порази по ред. На гости го совладаа Мемфис Гризлис 104:96. Лука Дончиќ кој беше на мета на критики поради тоа што ја зголемил тежината, постигна 26 поени, 8 скока и 7 асистенции.

Во поразот на Денвер Нагетс од Чикаго Булс 109:97, за 36 минути на паркетот Јокиќ оствари трипл-дабл учинок со 17 поени, 15 скока и 12 асистенции. Ова е негов дури 60. јубилеен трипл-дабл во кариерата со што го престигна легендарниот Лери Бирд на вечната табела за трипл-дабл учиноци. 

3 декември 2021-ва ќе остане датум за паметење во најсилната кошаркарска лига во светот. Кошаркарите на Мемфис Гризлис ја посрамотија Оклахома Сити Тандер со до сега невидена победа од 152:79.

Се работи за средношколски натпревар во САД на кој се тврди дека цело време мајка му пцуел и не бирал зборови.

Актуелниот шампион Милвоки Бакс, предводен од неверојатниот МВП Јанис Антетокумпо во многу драматична завршница го совлада Шарлот Хорнетс 127-125. На 5 секунди ЛеМело Бол од Шарлот гаѓа луда тројка од 10 метри за 125-125 и Хорнетс веруваа дека осигурале продолженија. Тогаш топката ја зема Јанис.

Сакраменто Кингс изгуби од ЛА Лејкерс кои играа без својот лидер Леброн Џејмс. Ај што изгубија, ама „кралевите“ во еден момент останаа и без Девион Мичел, нивниот пик на летошниот драфт во НБА. Тој се повреди откако згазна на ногата на еден од судиите.

Далас Маверикс поминува низ многу тежок период со дури 5 порази на последните 6 меча. Синоќа убедливо изгубија 114-96 од Кливленд Кавс. Дончиќ имаше јак меч со трипл-дабл: 25 поени, 10 скока и 10 асистенции. Пред дуелот стигна да шутира тројки со прославениот холивудски глумеџ Џејми Фокс (53) кој се покажа како добар тројкаш.

На мечот Хјустон Рокетс - Оклахома Сити Тандер кој заврши 102-89 за „ракетите“, се случи интересен момент. На 90 секунди пред крајот, на 15+ поени предност за Хјустон, гостите промашија шут за три поени, топката се одби близу до Алперен Шенгун но сите соиграчи бараа Кевин Портер Џуниор да ја собере за да може да го комплетира својот прв трипл-дабл во кариерата: 11 поени, 10 скока и 11 асистенции (4/17 од игра)

Зоран Лукиќ има 50 години, роден е во Белград. Малку е познат на европската и балканската кошаркарска сцена. Чекор по чекор го трасирал патот дури до селекторско столче на Русија. Од домашниот Беопетрол заминал да биде тренер во вториот, резервен тим на ЦСКА Москва, па долги години го водел клубот Нижњи Новгород каде и денес е паралелно тренер.

Никола Јокиќ се врати после паузата поради повреда и на гости кај Мајами Хит го водеше својот Денвер Нагетс до триумф 120-111. Јокиќ уфрли 24 поени, 15 скока и 7 асистенции. Неговото гостување во Мајами беше долгоочекувано после големиот инцидент кога го удри Маркиф Морис на првиот нивен дуел во Денвер.

Македонската кошаркарска репрезентација во ослабен состав без своите најдобри играчи не можеше да ѝ пружи голем отпор на моќната Шпанија кој славеше убедливо во Скопје 65-94 во квалификациите за Светско првенство.

Антонио Ван-Дунем или попознат како Тој Лимпа е лик од Африка кои со начинот на кои ги брише и чисти кошаркарските паркети стана светски познат. Кога на пауза или некој прекин тој излегува на паркет, за момент застануваат и тајм-аути, го следат и играчи и тренери и навивачи.

ФИБА направи тотален хаос со календарите кои се поклопуваат со Евролига и НБА, па репрезентациите играат квалификации за Светско во крпени состави. Србија едвај ја победи Латвија 101-100 а после мечот селекторот на Србите, големиот Кари Пешиќ имаше преубава прес-конференција.

После добриот старт на сезоната 2021/2022, Минесота Тимбервулвс изгуби 7 од 8 меча и во само 10 дена паднаа меѓу најлошите десет франшизи во цела лига. Но во последните неколку дена се вратија кон средината и сега имаат учинок од 9 победи и 9 порази. Синоќа го совладаа силниот Мајами на Џими Батлер со 113:101 а моментот на мечот го имаше младиот Ентони Едвардс.