Хрватите не може да се пофалат со преполни стадиони, ама затоа меѓу оние кои го следат домашното првенство има и енциклопедии кои го паметат и Горан Тодорчев, Неготинецот кој граше за Осијек и Интер Запрешиќ.

Криштоф Пјонтек од анонимен Пољак кој летово направи трансфер од Краковија во Џенова за 4 милиони евра, со ова темпо на голови се наметнува како новиот Левандовски. Со 9-те постигнати гола во стартните 7 кола во Серија А, стана прв играч после легендарниот Батистута кој беше стрелец во Италија на толку средби по ред. Пјонтек е 12 години помлад од Пандев за кој изјави дека му е идол.

Вусимузи Мнгомезулу е име од Јужна Африка кое веројатно нема и не мора да го запамтите. Важно е да му го видите евроголов ала Кутињо. Еднаш во кариера се случува вакво совршенство од удар со кој нема шанси голманот.

На денешен ден пред 49 години во Мелбурн се родил Марк Видука, фудбалерот кој се прослави во Лидс Јунајтед.

Немаме ништо лично против човекот кој веќе 10 години ниту еден тренер во Реал не се осмелува да го седне на клупа, ама па на толку форсирање ќе помислиме дека му е некој внук на Перез со дебели врски и во ФИФА и УЕФА.

Минатото коло во руската втора фудбалска лига се сретнале Сочи и Луч Владивосток, екипи чија оддалеченост на градовите од кои доаѓаат е 10.051 километри. Кога го слушаш ова Скопје-Белград или Скопје-Софија ти доаѓа како одење во супермаркет.

Бастиен Тома од швајцарски Сион направи асистенција за гол на мечот против Ксамакс на која би му позавиделе Чави, Иниеста и Крос. 19-годишниот Тома го пронајде соиграчот Ермир Ленјани преку 9 противнички фудбалери!

Таман ќе помислиш дека ќе научат од туѓите грешки и конечно ќе им дојде памет, тие се копираат едни со други. Со ново театрално паѓање се селиме во Полска или поточно во екипата на Гурник Забже. Судијата имаше очи и му извади картон.

Руската јавност е фрапирана од новиот тежок инцидент кој го направиле двајца колеги од репрезентацијата на земјата која стигна до четвртфинале на Светското првенство летово. Александар Кокорин и Павел Мамаев пред бркање од своите клубови Зенит и Краснодар.

Ексцентричниот португалски стратег има многу што да раскаже на оваа тема, како на пример и тоа дека има заспиено во сред возење, како и спасено живот на клупски колега. Сега му е полесно, бидејќи друг го вози.

Колку е сакан во својот Ротердам покажува и тоа што застанал да се слика со едно дете а веднаш се јавил детски џагор и толпа ученици да го гушнат.

Трката за гол на сезоната во Ирска може слободно да заврши бидејќи фудбалерот по име Јан Морисон има левица на која тешко дека некој може да и конкурира. Не од соблекувална, туку од паркинг ја опали.

Само неколку дена откако пишавме за него, полскиот центарфор кој го носи нападот на Џенова, во неделата пак даде гол и сега е на бројка од 13 гола на 8 меча.

Што, ќе ми водите само 1:0 со Виган? Абе има да трчате сè додека не ги наполните па макар јазикот ви паднал до пупак. Тоа беше Манчестер Јунајтед, прво го гледаш Сколс како брка пресинг во напад, а по некоја секунда се вратил да покрие во одбрана. Сега главна преокупација во тимот е кавгата меѓу Мурињо и Погба за некое си видео што го постирал на Инстаграм.

Се вика Норик Авдалјан и игра за тимот на техничкиот факултет во Универзитетска лига во рускиот град Казан. Неговиот трик од пенал веќе има милион прегледи.

Голманот се спрема да изведе, противникот ти се поставува со пресинг, голманот ти ја подава, чуварот ти е на 7-8 метри со што имаш можност да се наместиш и да ја расчистиш, а ти го одбираш најлошото можно решение. Се работи за Бразилецот Валас од Лацио, на кој Неста, Стам и Михајловиќ НЕ се горди. Да не реагираше Томаш Стракоша како што треба, Лацио - Фиорентина немаше да заврши 1:0.

Џон е жива легенда на Челси, фудбал професионално играше 23 години од кои само една година се пресели да игра во Бирмингем за да и помогне на Астон Вила да се врати во Премиер но не успеа во финалето на плејофот.

Унион Берлин губеше 0:1 од Хајденхајм во втората германска Бундеслига но во судиското продолжение Рафал Гикевич, полскиот голман на домашните стана јунак откако со глава ја заби топката во гол за 1-1 и голем бод. Унион е второ место во лигата.

Мемфис Депај фина ти беше идејата, ама не заборавај дека голманот на ПСЖ не се вика Кире Трајчев, туку Џиџи Буфон на кого тие 40 години воопшто не му тежат. Се истегна и ја пипна со прсти доволнo за да не прими гол. 

Времето на Роналдо и Меси полека изминува или за некое време ќе измине, ама затоа доаѓа моментумот на некои нови клинци. Меѓу главните сигурно ќе биде Килиан Мбапе кој изминативе две години постојано руши рекорди.

Капитенот на Палермо се враќа во голгетерска форма во вистински момент пред двата меча на Македонија во Лига на Нации (13-ти со Лихтенштајн и 16-ти со Ерменија). По двата први гола сезонава против Перуџа, синоќа сам му донесе победа на својот тим во последните минути. Финта со лева, па мајсторски пласирана со десна за Палермо - Кротоне конечни 1:0.

Очајни први 45 минути и негатива од 0:2 за Манчестер Јунајтед. Пола Европа зборува дека Мурињо ќе попие отказно решение на „Олд Трафорд“. Второ полувреме даваат три гола, слават победа и се чекаат изјавите на Жозе. А он во свој манир.

Бекот на норвешки Селбак, Јонас Александер Олсен во обид да избие една топка во аут, опалил по жиците од далеководот па направил пиротехничко шоу. На крај неговиот тим изгубил 0:5 од Весфосен и сега има само 3 бода на 23 одиграни средби.