Не дека за фалење е ова од насловот, пазете за Роналдињо зборуваме, ама овие што играле од негова има да се фалат додека се живи. Знаеш ли со кој играв фудбал во иста екипа во затвор? Со кого? Со Роналдињо. Е како не?

Ова сега почнува, а Бундеслига вчера одлучија да ја сопрат, така што назад ни е зимата друже, односно пролетта. Али добро, ти си знаеш.

Додека да пофатиме кој сè го стопира спортот во светот и кој се разболел, ни избега едно доста убаво и атрактивно парче видео кое вчера направи 7 години од своето постоење. За жал и тогаш стадионот како да бил под мерки поради вирус.

Во Лига Европа синоќа се одиграа неколку натпревари од Лига Европа а две средби и покрај сите препораки, се одиграа со публика: во Турција и во Шкотска. А во Германија на мечот Волфсбург - Шахтјор (1:2), два промашени пенали уште во прво полувреме. Прво гостите, па домаќините преку Вегхорст.

Додека во Европа спортот се стиши, во Јужна Америка фудбал се игра па и топови да бијат. Еден меч од Копа Либертадорес донесе дури 8 црвени картони и масовна тепачка на терен.

Со овие 10 секунди сакаме да ве известиме дека пред да престане фудбалот, како клуб донесовме одлука на пауза да одиме без примен гол. Зад одлуката стојат голманот, играчите, стативите. Точка.

Пандемијата со Ковид-19 покрена лавина масовни откажувања на спортски настани, па така на прсти може да се набројат првенствата кои ќе се обидат, без публика, да тераат по свое.

И покрај тоа што во Србија до денес на пладне се регистрирани 31 случаи позитивни на Ковид-19, српската влада долго време беше на ставот да нема публика само во затворени места (сали), а попладнево одлучи да се игра и фудбал без гледачи.

Короната го покоси и спортот. Секој ден се откажуваат национални првенства и еве ги на ред дојдоа и двете клупски меѓународни за кои УЕФА молчеше и не носеше одлука.

Калум Хадсон-Одои, дете од школата на Челси и еден од фудбалерите кои одлично играа сезонава, бил позитивно тестиран на новиот вирус. Се огласи со порака.

Од шест одиграни нокаут средби во ЛЕ, како домаќин победи само Истанбул Башакшехир 1:0 против Копенхаген. Вистината е дека требало да биде 2:0, а тоа ќе го сфатите откако ќе ја видите шансата на Демба Ба.

Манчестер Јунајтед го потопи Ласк на гости со 0:5 во топ 16 фазата од ЛЕ, а во центарот на вниманието е блесокот на новите две засилувања. Едниот асистираше атрактивно, другиот си поигруваше со топка по што ја закуца душмански.

На Ливерпул, ваков како што е опасен и полетен со Клоп и плус бранител на европската титула, да му одиш на гости, да губиш 2:0, а потоа да му пикнеш 3 комада во продолженија, треба стварно да си мангупиште. Чоло синоќа беше, а дома имаше џумбус кој го снимаше жена му.

Кога во 56’ минута од реваншот Ливерпул - Атлетико Мадрид, Диего Симеоне го извади Диего Коста и го стави малку познатиот Маркос Љоренте, никој не можеше да претпостави што ќе се случи.

Одамна знаеме дека има моронски испади, така што вакво нешто од центарфорот на Атлетико Мадрид може да ги изненади само неупатените.

Синоќа на Енфилд Роуд за 120 минути фудбал видовме сè и сешто. А пред почетокот на мечот Јирген Клоп не можеше да им се начуди на гледачите кои му пружаа рака да се поздрават, иако препораките од надлежните власти се дури и да нема публика и стадионите да бидат затворени.

Практично се работи за само едно правило кое лично и персонално им го кажа шоферот на патниците. Кој не се сложува знае каде е вратата. Среќен пат.

Кај сте да ве чујам? Ау да бе, без публика се игра.

Ако не сте знаеле Емануел Адебајор од пред месец дена игра во Парагвај. 36 годишниот напаѓач како ѕвезда од Премиер лигата на доста фин и културен начин им се претстави на Јужноамериканците.

ПСЖ синоќа ја совлада Борусија Дортмунд со 2:0 и со тоа обезбеди пласман во осминафиналето на ЛШ. Мечот се играше без публика поради страв од ширење на коронавирусот, но мерките за кого како.

Стоперот на бјанконерите и репрезентацијата на Италија Даниеле Ругани бил позитивен по тестот за КОВИД-19, соопшти Јувентус на својот сајт.

На крцат „Енфилд“, Атлетико Мадрид успеа дури во продолженија да се протне до четвртфиналето, а ПСЖ без гледачи ја надомести негативата со Дортмунд.

Бразилецот покажа зошто важи за еден од најскапите фудбалери на планетата. Одигра маестрално против Дортмунд во реваншот и беше главен творец на триумфот од 2:0 кој го однесе Пари Сен Жермен во четвртфиналето на ЛШ. Кога даде гол за 1:0 го имитираше Ерлинг Халанд со неговата прослава на гол од првиот меч.

Во услови кога прво владее вирус поради кој е комплицирано да се патува и второ, ни наближува историски меч кој се распродаде за три дена, а потоа забранија да се игра со публика, нема логика ни да се игра месецов. Во тоа се сложни и репрезентативците на чело со селекторот.