Три меча, три гола, седум бода за Аргентина во Копа Америка. По оние 1:1 против Чиле, момците на Скалони прво го совладаа Уругвај, а потоа и Парагвај со ист резултат од 1:0. Мечот го реши Папу Гомез по една извонредна асистенција на Анхел Ди Марија. Цела одбрана ја измами со пасот.
Газета дело Спорт, Скај Спорт, Гол, Марка, Фор Фор Ту, Еуроспорт, Дејли Мејл...Речиси и да нема познат весник или портал за фудбал кој не ја величи кариерата на најголемиот на сите времиња во Македонија.
Те ставаат селектор и што правиш првиот ден? Се качуваш во авион и одиш за Џенова да го вратиш Горан Пандев во репрезентација, одговори популарниот Мрме во едно неодамнешно интервју. Клучен потег што се израдувавме на исполнетиот тридецениски сон.
Дојде крајот на фудбалската ера за еден од нашите најголеми амбасадори, кој оди во пензија со остварен сон. Заигра со Македонија на Европско првенство. „Срцето ми е полно, повеќе од ова не можам“, изјави капитенот кој следниот месец полни 38.
Македонската фудбалска репрезентација ги завршува настапите на Европското првенство, за жал со висок пораз кој не го заслужи. Крај на репрезентативната кариера за Горан Пандев кој доби дрес од домаќините. Ти благодариме легендо.
Ни главниот судија, ни помошниците, па ниту во ВАР собата не го видоа очигледниот прекршок на Блинд врз Горан Пандев на средина од првиот дел по кој падна првиот гол на средбата. Срамота.
Ако на некој случајно уште не му е јасно колку е голем Горан Пандев, нека го погледне гестот на Холанѓаните на стартот на дуелот против Македонија. За време на ракувањето на капитените, Вајналдум му подари дрес на Пандев од Холандија со број 122, колку што има настапи за репрезентација. Аплаузи.
Нивното пријателство има историја. Со години се заедно во репрезентација, беа во ист период и во италијанско, а си одеа и по гости. Рики го сака Горан како брат и сосема разбирлива е неговата тага што повеќе нема да играат заедно.
Македонија има четири соочувања против големиот ривал со кој вечерва го завршуваме деби настапот на ЕП. Скорот ни е две нерешени и два порази, а Горан Пандев е стрелец на два гола. Во Скопје оние 2:2 беа спектакл.
На Европското до сега се појавија многу убави дами меѓу кои и наши, а врвот се случи на мечот Финска - Русија на кој коментаторот излезе од спортски и влезе во музички води.
Сè почна од моментот кога Роналдо ја тргна Кока Колата на прес и се напи вода, па тоа стана хит на Европското. Кај нас се појави Твит на кој падна мајтап дека додека Кристијано ги бута акциите на Кока Кола, Горан ги крева оние на Струмка. Капитенот се пошегува на темата пред стартот на синоќешниот прес.
Дојде и тој ден. Горан Пандев и официјално ќе го одигра последниот танц за македонската фудбалска репрезентација, а најверојатно ќе ја заврши и кариерата. Договорот на Мрме истекува после Европското.
На Пушкаш арената одново беше празник за унгарските навивачи кои го наполнија до крај цел капацитет од 60.000 седишта. Во финишот од првиот дел домаќините беа во делириум откако успеаа да поведат против големиот фаворит Франција кој израмни во второ на 1:1. Стрелецот на голот Фиола ја исплаши новинаркава од што беше во транс.
Португалија и Германија го одиграа до сега најефикасниот меч на ЕП на кој паднаа 6 гола. Германците го декласираа европскиот првак со 4:2, а атракцијата број 1 на средбата ја направи Кристијано Роналдо.
Џиџи Буфон направи потег кој веројатно никој не го очекуваше, а се надеваа само навивачите на Парма. Се враќа таму каде што почна во 1995-та, кај Млекарите. “Вечниот“ ќе брани во Серија Б на 43 години. Погледнете ја оваа специјална најава за неговиот кам бек во клубот со кој ги освои првите три трофеи во кариерата.
Едниот има освоено Лига на шампиони со Милан, другиот со Интер. Андриј славните денови ги помина со 127 гола во Серија А, а Горан со 101 и уште игра. Сега првиот во улога на селектор, а вториот капитен. Тоа се тие две славни напаѓачки имиња од италијанскиот фудбал. Шевченко го тешеше Пандев на крајот.
Македонија одигра многу содржински натпревар, неспоредлив со оној првиот, па затоа репрезентативците беа дополнително разочарани што не успеаа да стигнат барем до бод. Притисок пред голот на Украина, поништен гол на Пандев, јака акција на капитенот со Адеми...
Колку само јако ќе беше да не пресудат оние милиметри во офсајд замката на Украинците во 39-та минута и со 2:1 да одиме на пауза. Капитен во свој стил го матираше чуварот на голот на Украинците, но линискиот судија нè смрза кога го подигна знаменцето.
