Молде, најпријатното изненадување во европскиот фудбал од Норвешка, ја започна евросезоната со убедлива победа против шведски Елфсобрг (4-1), иако гостите од Шведска водеа 0-1 на полувреме. На оваа средба имаше и 10-11 секунди сцени како на Сони Плејстејшн.

Во прв официјален натпревар по почетокот на воениот конфликт во Украина, украинскиот клуб Ворксла одигра сјаен меч во 2. коло од квалификации за УЕФА Лига Конференции. Го победија шведски АИК 2:3 на гостинската „Tele2Arena“ каде номинално Ворксла беше домаќин. Победничкиот погодок на младиот Артем Чељадин беше врв на врвовите.

Ланус и Велез Сарсфилд одиграа супер интересен меч со дури 4 гола во аргентинската Примера дивизион. Поделија по бод со резултат 2:2 а во 63’ минута домашниот играч Матео Санабриа доби црвен картон по прегледување ВАР снимка.

Садио Мане на кратко ги прекина подготовките во Баерн Минхен и замина за Африка каде на свечена церемонија му беше доделено најголемото признание на црниот континент за најдобар играч на годината. Мане беше прв со повеќе бодови пред Салах и голманот Едуар Менди од Челси. Ова е втора награда за Сенегалецот по онаа во 2019-та.

Фудбалската федерација на Нигерија и тамошните власти отвориле истрага после мечот на кој клубот Ремо Старс изгубил 3-0 на пенали од Иџебу Јунајтед во финалето на државниот Огун Куп.

Франк Лампард и неговиот Евертон нема по добро да ја паметат турнејата во САД каде се на подготовки за новата сезона. „Карамелите“ беа декласирани со 4-0 од Минесота Јунајтед, тим кој игра во речиси аматерската МЛС лига. И тоа во полн состав. А Деле Али промаши нешто што не се објаснува.

Капитенот на македонската фудбалска репрезентација Енис Барди не го дочека крајот од пријателскиот дуел меѓу Леванте и Вулверхемтпон. Во 35’ минута од мечот Барди влезе во судир со противничкиот играч Жерсон Москера после што и двајцата добија црвен картон.

Евертон доживеа потоп од 4:0 против Далас на пријателски меч во рамки од турнејата на премиерлигашите во САД, а Челси не успеа да го совлада Шарлот. После 1:1 во регуларниот дел, на пенали Американците беа подобри изведувачи и славеа 5:4. Еве како изведе пенал младиот талент на Челси Конор Галахер.

Најдобриот светски голман, повеќекратен шампион на Германија и освојувач на Светско првенство и Лига на шампиони, Мануел Нојер се најде на насловни страни на некои германски медиуми, но не поради врвните одбрани. Овојпат поради нешто друго.

Еден од двајцата најскапо платени фудбалери во историјата на Баерн Минхен, холандскиот стопер Матајс Де Лихт имаше успешно деби за Баварците. Славеше германскиот шампион убедливо со 2-6 против ДС Јунајтед на пријателски меч во Вашингтон. Де Лихт го даде четвртиот гол на мечот за Баерн. Најдобар од сите.

Спортинг - Рома синоќа 3:2, како дел од пријателските за билдање форма пред новата сезона. Мурињо не треба да ја билда формата, тој секогаш ја има.

Во полуфиналето на мароканскиот Куп (Coupe du Trôn), Јусуфиа Берешид губи 1-2 од РСБ Беркане. Во продолженијата, во 117’ минута Саид Оуфир го дава најубавиот гол во кариерата. На крај 4:3 на пенали за РСБ Беркане.

Барселона реши да не се смешка многу на пријателската против Интер Мајами во САД и со 0-6 покажа дека го остри нападот за новата сезона. Голови даваа скоро сите и Обамејанг и Рафиња и Ансу Фати и Усман Дембеле и Гави. Ама оној на Мемфис Депај беше најубав.

Баварскиот гигант е број 1 по многу аспекти во светскиот фудбал, ама очигледно маркетинг тимот летово останал без идеи. Промоцијата на едно од најскапите засилувања во историјата на Баерн Минхен (67 милиони евра), холандскиот стопер Матајс Де Лихт кој дојде од Јувентус, беше многу несериозна на ниво на балкански третолигаш.

Индепендиенте - Расинг важи за едно од најголемите дербија во Аргентина, кое ни донесе скроз апсурдна и глупава сцена. Некој торко од трибина погоди фудбалер со риба. Што не извади и ориз и салата?

Македонскиот репрезентативец Аријан Адеми ја отвори новата сезона во ЛШ со голови. Капитенот на Динамо го израмни резултат против македонскиот првак кој извади изненадувачки 2:2 на Максимир, а потоа и асистираше за вториот гол.

Понекогаш стварно човек ќе се доведе во ситуација да се согласи со ставот дека фудбалерите не се на горен дел од табелата за интелегенција.

За 4.500 јапонски јени или во превод околу 1.800 денари Јапонците купуваат карти за отворени тренинзи на ПСЖ. Францускиот шампион е на подготовки во оваа земја каде ќе одигра и неколку пријателски средби. Во полн состав тренираат и ја забавуваат јапонската публика.

Само неколку дена откако го напушти Манчестер Сити каде е клупска икона со 4 шампионски титули, 5 Лига Купа, 1 ФА Куп, Рахим Стерлинг потпиша со Челси а на промоцијата одби на млад навивач да му потпише дрес од Сити. Професионализам или некоректност проценете сами.

Необични кадри пристигнаа од третолигашкиот фудбал во Чиле. Пред стартот на мечот пристигна дрон од кој висеше плетена корпа, а во неа топката со која треба да се игра. Wtf?

Мароко ја совлада Нигерија со 5:4 на пенали во полуфиналето од Купот на Африкански нации за жени. Пуста Розела, се збуни целата и не сконта дека нејзиниот гол е решавачки за пласман во финале и тоа прво во историјата на нејзината земја во ова натпреварување.

Талабат е компанија која врши достава на храна и е водечка во својата област во Кувајт, Саудиска Арабија, Бахреин, УАЕ, Катар, Оман, Ирак, Египет и Сирија. На еден меч од египетската прва лига меѓу Ал Ахли и Пирамидс, топката на судијата му ја донесоа со достава од оваа фирма.

Во Италија се случи полициска акција која сигурно ќе биде исмејувана на сите комични емисии, а ги имаа бајаги. Фаќаат човек со капче, го тресат, за во еден момент џандарот да му каже на колегата дека се работи за Бакајоко од Милан, инаку тазе шампион во Серија А. Реакцијата на ќелавиот е хит.

Трансфер бомба на летото секако е преминот на врвниот полски центарфор Роберт Левандовски од Баерн Минхен во Барселона. Сагата за Полјакот конечно заврши после неколку месеци. Сега социјалните мрежи горат од коментари и реакции, а најјака беше онаа на бундеслигашот Аугзбург.