Поразот од Болоња во 93-та минута, Интер може скапо да го плати. Им се искомпликува битката за титулата, плус на три фронта играат.

Колумбија веројатно нема сведочено на автогол од ваква далечина. Го постигна Марлон Торес кој се сврте накај гол, ама како да остана без компас.

Фудбалерите на Бетис ја совладаа Жирона со 1:3 и со оваа форма, имаат загарантитан излез во Европа. Антони, како еден од најкритикуваните играчи на Манчестер Јунајтед во моментов има 6 гола и 4 асистенции на сите натпреварувања. Откако Бразилецот го облече нивниот дрес, Бетис има 8 победи на последните 12 меча во Ла Лига.

На натпреварот меѓу Ал Итихад и Ал Етифак кој домаќините го добиле 3-2 со голови на Данило Переира, Карим Бензема и Хусем Оар, гостинскиот фудбалер Ради Ал Отаиби решил да проба да центрира од аут како од корнер.

Линколн со 4-2 го совлада Болтон во англиската Лига1, трета во хиерархијата. Последниот гол за домаќините го даде Рико Хакет-Ферчилд, мангупски, од слободен удар го зезна гостинскиот голман.

Во неверојатно финале на Купот на Холандија, фаворитот АЗ Алкмар и Го Ахед Иглс одиграа 1-1 во основниот дел од времето со голови од пенал постигнати во 54-та минута (првиот обид одбранет па пеналот на АЗ повторно изведен) и 90+9' минута од судиското продолжение. Потоа на пенали победил Го Ахед Иглс 4-2 а јунак на мечот бил 25-годишниот белгиски голман Јари Де Бусер кој правел чуда какви не се видени во Холандија од голман уште од времето на Ван дер Сар.

Најдобриот светски тенисер во историјата според многумина, во живо од ложата на „Сантијаго Бернабеу“ го следеше големото дерби Реал Мадрид - Атлетик Билбао. Ноле бил поканет гостин заедно со своите деца а сите реагираа шокантно по голот на Валверде во 90+3' минута од мечот за победа 1-0.

Реал Мадрид едвај го скрши отпорот на Атлетик Билбао и славеше со еврогол на Уругваецот Федерико Валверде во последните секунди од дербито на колото во шпанска Ла Лига. По неверојатниот пресврт на Барселона над Селта Виго 4-3, Реал Мадрид со оваа победа ги одржа шансите за шампионска титула. Сега „кралевите“ заостануваат четири бода зад Барселона. Во следното коло Реал ќе игра против Хетафе на гости.

Исмаил Кубаши го постигна голот на колото во турскиот шампионат. Фудбалерот на Гезтепе ги постави конечните 1:1 против Бешикташ со убавина од гол.

Момците на Ханси Флик се нешто посебно. Играат сезона за паметење. Добија натпревар во 32. коло од Лига против Селта на кој губеа 1:3 во 62 минута.

Во Португалија борбата за титулата ја достигнува кулминацијата. Спортинг Лисабон синоќа со 3-1 го совлада Мореиренсе и се одлепи 3 бода од второпласираната Бенфика која има меч помалку. Најдобриот стрелец во лигата, Виктор Ѓекереш пак, по којзнае кој пат сезонава постигна хет-трик, а од трите погодоци еден од слободен удар му беше најубав.

На 19-ти април 2000-та во една славна ноќ во Лига на шампиони, Реал Мадрид славеше 2-3 на „Олд Трафорд“ против Манчестер Јунајтед и по ремито 0-0 во Мадрид отиде во полуфинале. Аргентинецот Фернандо Редондо имаше прекрасна асистенција до Раул Гонзалес, додавање кое ќе се памети засекогаш.

Пошто нашиве надлежни на Градски, едно 400 неуспешни обиди имаа за тоа како конечно да ја спастрат за да биде со сите нишани, нека им служи ова како видео скрипта.

Манчестер Јунајтед и Лион, одиграа четвртфинале со 9 гола кое ќе се раскажува. Погледнете ја оваа луда пожртвуваност на Лени Јоро.

Човекот кој го критикуваа, омаловажуваа и душа му извадија по медиуми и социјални мрежи е практично херојот на Манчестер Јунајтед. Хари Мегваер го комплетираше еден од најјаките пресврти во историјата на клубот и европските натпреварувања. Нереално.

Рио води свој подкаст а често е и гостин на разни студија како стручен коментатор. Синоќа после мечот Реал Мадрид - Арсенал (1:2) во четвртфинале на Лига на шампиони влегол во реновираната соблекувална на „кралевите“ на реновираниот модерен „Сантијаго Бернабеу“. Не може да се изначуди. „Во мое време не беше вака“.

Да му кажел некој на 28-годишниот француски стопер Бенжамин Павар пред неколку години дека од француски Лил преку Штутгарт ќе стигне до Баерн Минхен со кого освои 4 шампионски титули во Бундеслига, Лига на шампиони и германски Куп и Супер Куп на УЕФА како и двојна круна со Интер, сигурно не би му поверувал. Интересно Павар има и злато од Светско првенство 2018 со Франција и пехар од Лига на нации. Тој од 2022 до денес дал само два гола. Едниот за Баерн Минхен против Интер и сега за Интер против Баерн Минхен во Лига на шампиони.

Додека на Бернабеу Реал не се ни доближи до резултат блиску до пресврт, Баерн на Меаца беше на еден гол до продолженија. Во последната минута од судиското продолжение, во битка за што побрзо да изведе аут, Јосип Станишиќ го бутна од стол едно од децата што собира топки, па му рипнаа домаќините.

Откако му одржаа фудбалска лекција на Реал Мадрид во Лондон каде славеа со 3:0, фудбалерите на Арсенал победија и во главниот град на Шпанија со 1:2. Историски триумф за „топџиите“ кои одат во полуфинале на Лига на шампиони. Во првиот дел Букајо Сака промаши пенал кога сакаше со паненка да го матира Куртоа кој го процени. Подоцна англискиот репрезентативец се извади со гол во 65-та минута за водство на Арсенал.

Фабио има 44 години, член е Флуминензе и брани од 1997-ма година, кога голем дел од копиљациве што играат фудбал, уште не биле планирани за овој свет. Преку 1.300 официјални настапи има. Погледнете го двобојов со Мемфис Депај кој игра за Коринтијас. Треба да му се поклонат за одбранава.

Остајте вие Лига на шампиони и запознајте го Мексиканецот Карлос Орантија од Керетаро. Сигурно ќе има место за него, барем во топ 10 кандидатите за наградата Пушкаш. Ретко се гледа вакво голчиште.

Пред пријателскиот натпревар во Скопје меѓу Вардар и Црвена звезда, гостите од Белград дојдоа и со целата своја екипа задолжена за таканаречената навивачка зона. На платото каде беше фан зоната имаше мали голчиња за мал фудбал за деца, беа изложени славниот пехар освоен во Куп на европски шампиони 1991 со голот на Дарко Панчев како и Златната копачка на Панчев за најдобар стрелец на Европа таа сезона. Имаше многу настани и игри за деца и за возрасни и продажба на реквизити, дресови, шалови.

Поранешниот селектор на Македонија, Бошко Ѓуровски кој речиси цела кариера ја мина во Црвена Ѕвезда, беше една од легендите на хуманитарниот меч на Градски. Во еден момент ја понесе публиката со еден безвременски патриотски хит.