Раштиманата Србија за која српските медиуми најново пишуваат дека ја напуштил капитенот Тадиќ, ќе се усреќи за едно месец и половина. На 5 септември во Белград и гостува Шпанија во рамките на новата сезона од Лига на нации. Да го повториме вториот дел од насловот.

УЕФА ја состави листата на топ 10 голови на Европското првенство. На првата позиција е ремек делото на тинејџерот на Шпанија, кој блесна во полуфиналето против Франција.

Тинејџерот Јамал беше сензација на ЕП 2024, но Шпанија има многу јунаци за кои не се крева до толку голема врева. Еден од нив е човекот кој беше прогласен за МВП на првенството.

Денес од 12:00 часот со свечена церемонија се одржа претставувањето на Килијан Мбапе, новата 9-ка во Реал Мадрид. Прво се сликал со првиот човек на клубот, дон Флорентино Перез, а потоа излегол пред преполн „Сантијаго Бернабеу“. Реал во моментов има можеби најјак состав во клупската историја.

Селекторот кој помина дури 8 години на клупата на Англија, денес се повлекол од својата функција, во договор со Фудбалската федерација на Англија (ФА).

Скоро и да немало помалерозна генерација од оваа на Англија која во само 3 години стигна до второ големо финале на Европско првенство и два пати изгуби. Првиот пат на домашен терен пред преполн „Вембли“ кога дури и имаа рано водство па изгубија на пенали од Италија. А сега од Шпанија 2-1 иако имаа активен резултат на десетина минути пред крајот на основното време. Фор Фор Ту прави анализа зошто изгубија.

Фотографот Хоан Монфорт во 2007-ма година направил фотографија која никој не очекувал дека 17 години подоцна ќе стане прав феномен. 20-годишната ѕвезда на светскиот фудбал Лионел Меси во раце го држи малото бебе Ламин Јамал - сегашна ѕвезда на светскиот фудбал.

Бекот на Челси му врати на Невил за критиките дека Шпанија не можела да оди до крај поради него. А врвот беше следнава урнебес комедија: „Кукуреља јаде паеља, Кукуреља пие Естреља, Халанд се тресе бидејќи доаѓа Кукуреља“. И тоа го испука во два наврати.

Во лавината вести за ЕП, Копа Америка и Вимблдон кои кулминираа во еден ден со финалиња, се случи фудбалска историја која не се гледа често. Лео Меси го мина Дани Алвеш и стана рекордер по број на освоени трофеи.

Освен Јамал, свое шоу за време на прославата на европската титула во Мадрид имаше и Родри. Но неговата беше специфична, бидејќи почна да скандира „Гибралтар е Шпанија“ со што ја запали масата. Се работи за полуостров на југот на Шпанија, кој му припаѓа на Велика Британија и кој важи за спорен. Инаку да потсетиме Родри игра токму во Англија за Манчестер Сити.

Ламин Јамал имаше летен распуст како ниту едно друго дете на планетава. На 16 години стана европски првак со својата земја, даде гол и стана еден од петмината во историјата со 4 асистенции на едно ЕП. Во меѓувреме, на 13 јули наполни 17 години. Поигра малку за време на славјето, а Мората побарал од публиката да му ја честитаат матурата.

„Шампиони на Европа. Ова е само почеток“, гласи пораката на отворениот автобус со кој парадираше четирикратниот европски првак.

Дваесет и седум годишниот Микел Ојарзабал кој игра центарфор во Реал Сосиедад и таму е цели 9 години уште од 2015-та година, е дискретниот херој на Шпанците кој влезе од клупа и даде златен победнички гол вреден европска титула.

Да не има некој контраш кој смета дека Шпанците не ја заслужиле титулата? Дека само што налетавме на податокот дека станале најефикасна селекција во историјата на ЕП со 15 погодоци. За споредба Англија постигна 8 гола, а Франција 4 од кои два автогола и еден пенал. Инаку станаа и рекордери со 4 трофеи, а Јамал е прв Шпанец со 4 асистенции на едно ЕП и еден од петмината во историјата. На листата има поранешен селектор на Македонија.

Тешко е да се освои Европско првенство. Прашајте ги Англичаните кои со најскапите ѕвезди загубија две финалиња по ред и како славна фудбалска земја никогаш го немаат освоено. На овој турнир еден играч по втор пат се израдува на овој трофеј и влезе во доста елитно друштво.

Ако на некој уште не му е јасно која е Шпанија во фудбал на клупско и репрезентативно ниво и во машка и во женска конкуренција, нека ја погледне табелава да се почуди малце. Се работи за скор во финалиња од 46:12 и тоа е статистика од 2000-та до денес. Систем е тоа, не е заебанција, а на него се работи темелно и се усовршува.

Точно еден месец фудбал се играше на Европското во Германија. Турнирот ќе се памети по неколку нешта. На крајот титулата ја освои Шпанија, заслужено со најубав фудбал на целиот настан. БиБиСи направил убаво завршно видео за крај.

Прво светски шампион со Аргентина У-20, па освојувач на олимписки медал, а потоа 4 титули со А тимот: Копа Америка два пати, Светско првенство и Финалисима. На 36 години Анхел Ди Марија одигра 120 минути против Колумбија и ја доби наградата за играч на финалето. И што е најважно, тој е играч за големи натпревари и стрелец на три финалиња по ред, кој секогаш дава 110% од себе. Се повлекува од репрезентација со 145 меча и 31 гол.

Соединетите Американски Држави, Канада и Мексико ќе бидат домаќини на Мундијалот 2026. Но сцените од Копа Америка летово покажаа дека Американците и не се баш спремни во моментов за масовна посета на фудбал. Или па Јужно-американциве се крајно темпераментни па не можеш да им објасниш дека без карта не може да влезат. Така речиси пред секој меч од Копа Америка имаше нереди, гужви, хаос на вратите. Финалето доцнело 80 минути поради општа лудница надвор од стадионот.

Шкотланѓаните во големото финале на Еуро 2024 во голем дел навивале против нивниот ривалски сосед Англија. До таа мера што во Шкотска некои и ги кителе своите пабови со шпански знамиња како знак за кого навиваат.

Новиот европски шампион Шпанија имаше многу јунаци на Европското. Еден од нив секако е Дани Олмо кој не само што постигна 3 гола и беше меѓу најдобрите стрелци на турнирот, туку и во големото историско финале спаси гол од сама гол линија во 90-та минута по шутот на стоперот Гуеи со глава.

Жешка спортска недела со големи финални битки. Вимблдон е за Карлос Алкараз, ЕП за Шпанија и на крајот после 3 часот по полноќ по европско време, Аргентина ја освои Копа Америка.

Селекцијата која покажа најмногу на Европското првенство, на крајот и заслужено стигна до пехарот. Шпанија ја совлада Англија 2-1 со победнички гол во самиот финиш. Шпанците рекордно со сите победи од почеток до крај стигнаа до трофејот.

Ветеранот Луис Суарез со гол во 90+2' минута му донесе реми 2:2 на Уругвај против Канада која претходно направи пресврт со головите на Исмаел Коне и Џонатан Давид. Луис Суарез со својот 69-ти гол го спаси Уругвај кој после славеше на пенали и освои бронзен медал на Копа Америка. На пеналите канадскиот голман Дејн Клер се правел „на Тошо“ и му го сокрил шишето на уругвајскиот голман Роче. Оправдано добил жолт картон.