Откако зборуваше за тоа какво е чувството на 17 години да се носиш со Иниеста, Бускетс, Иско, Давид Силва и другите големи ѕвезди на Шпанија, Елиф Елмас открива пикантерии и од денот кога му се приклучил на националниот тим во хотел пред дебито. Најмногу го зафркавале Џани и Нестор, а тој бил многу самоуверен и покрај името на противникот.

Во вториот дел од приказната за Спалети ќе прочитате за успесите и проблемите во Зенит, неуспешниот кам бек во Рома, шпанската серија со Икарди и жена му, релаксирањето на село каде добил прво повик од Малдини, па од Де Лаурентис.

Македонските одбојкари во сабота од 18:00 ќе се судрат со најголемиот фаворит за злато, актуелниот европски и олимписки првак Италија, на нивен терен во Бари. Два часа и четириесет минути подоцна вечерта во Скопје фудбал ќе играат Македонија и Италија.

Најголемите ѕвезди на италијанскиот фудбал и нашите Енис Барди, Елиф Елмас, Столе Димитриевски и другите во сабота од 20:45 ќе играат на тревник каков што има само во селски фудбал. Што се случи летово до толку да не можеа да го одржат тревникот надлежните.

Во квалификациите за Азискиот Куп за играчи до 23 години, Јордан со 9-0 го победил Брунеи У23. Еден од головите бил во стилот на Лео. Стрелец 20-годишниот Амин Ал-Шанаинех.

Лаос У-23 против Австралија У-23. Некој од децава има вечерано со Роберто Карлос. Па ова не е нормално и нема никаква логика да се бара од било кој голман да го одбрани ударов.

Легендарниот шпански стопер кој се прослави со Реал Мадрид после цели 18 години се врати во својот роден клуб Севиља. Го совладаа емоциите.

На 11 јуни 2017-та на Градски во Скопје, на Елиф Елмас ми се исполнил сонот да заигра за А тимот на македонската репрезентација. За противник го имал поранешниот светски и европски првак. Машки им одигра на Иниеста и другарите.

Приказна која започнува на мотор со отворена кошула и коса на ветрот, а завршува во Неапол на врвот на Италија. За човекот кој го тренираше Елмас, а кој во сабота ќе има задача да го сопре на Градски е кажано сè: гениј, луд, романтичен, ироничен, суров, сладок, едноставен, неубедлив, недостижен. Кој е всушност Лучано Спалети?

Додека во земјава единствениот нормален стадион не можат да го одржат како треба и мака мачат со тревникот, на најубавиот холандски стадион „Јохан Кројф Арена“ во Амстердам во 24 часа сè било организирано за концертот на U2. Имало 120.000 посетители. После само неколку часа стадионот и тревникот на стадионот на Ајакс се вратени како ништо да не било.

Нема што да мисли, си кажа искрено човекот како би постапил ако денеска е активен фудбалер. На пример Сергеј во Лацио имаше годишна плата од 4 милиони евра, а Ал Хилал му понуди 30 милиони по сезона.

Реал Мадрид го спрема новиот изглед на Сантијаго Бернабеу за кој ќе потроши преку 500 милиони евра. Има ли некој стручњак да го објасни ова чудо?

Голманот на Македонија се појави во дрес на рекордерот по број на настапи за Италија (176) и Серија А (657). Човекот со 28 годишна кариера, 10 Скудета, како и светски шампион. Овој пат легендарниот Џиџи Буфон ќе дојде во Скопје како нов тим менаџер на репрезентацијата предводена од Спалети.

Шпанците се луди за фудбал. Страста која оваа земја ја има за овој спорт е безгранична. Најголем доказ за ова е едно видео кое кралскиот клуб го објави. Млада навивачка на Реал Мадрид го однела својот 85-годишен дедо на реновираниот „Сантијаго Бернабеу“. Дедото пресреќен. „Денес ако починам ќе починам како среќен човек. Не можам да го издржам ова...“, рекол дедо Мигел.

22 годишниот Лук Синг е дефанзивец на Атлетико Отава, кој го постигна деби голот во канадската прва лига. На страна Ибра, не можеш да наброиш многу фудбалери на кои им успеало вакво нешто на прва од корнер. Ова е многу тешка мајсторија за изведување. Браво дете.

23 годишниот Ѓорѓе Петровиќ кој кариерата ја почна во Чукарички, а потоа замина во МЛС тимот Њу Ингланд Револушн, стана најскап српски голман. Челси за него плати 17,5 милиони долари, плус 2,2 милиони долари во бонуси. Стави потпис на договор од 7 години. Селекторот Стојковиќ му најави дека ќе му дојдат во Лондон.

Чави тргна во одбрана на титулата, за која уште на старт доби офанзивен напад од Реал кој стартуваше со 4 од 4. Скоро денар не потрошија, а донесоа големи имиња.

Триесет и пет годишниот Меси е главна спортска сензација во САД. По неговото доаѓање на десетина пати повеќе се зголемила продажбата на карти, дресови, тв права, пропратни реквизити по сите стадиони каде што се игра МЛС лига. Големата латино-американска дијаспора го обожува Меси, секој сака дрес или слика со него па затоа Интер Мајами ангажирал специјалец да го чува. Поранешен маринец.

Во најјаките голови ова коло во Италија, дефинитивно влегува соло мајсторијата на Радоњиќ, кој сам, на најдрзок можен начин ја направи попара Џенова. Прво одлично ја прими, па го изеде својот чувар, за да на крај да му пукне бомба на голманот, кој не ја ни виде топката и падна очајно на земја.

Базел и Цирих одиграа 2:2 во 6. коло од швајцарското првенство. Домаќините можеби и ќе победеа, ако Јусуф Демир и Тиерно Бери се договореа кој да ја забие топката во гол. Првиот што клизна, непотребно се излакоми и го направи едно од најголемите промашувања на сезоната.

Во дербито на колото, Лацио го совлада Наполи на најтешкото гостување во Серија А среде Неапол со 1:2. Луис Алберто го отвори резултатот со прекрасен погодок. Наполи израмни после само две минути но првиот Јапонец во историјата на Лацијалите Даичи Камада во 52' минута ги постави конечните 1-2. Елиф Елмас одново не доби шанса од новиот тренер Руди Гарсија.

Фудбалот во САД ќе се смета пред и по доаѓањето на Лионел Меси. Аргентинецот прави шоу на секој меч за Интер Мајами којшто со него, со Жорди Алба и Серхио Бускетс делува непобедливо. Синоќа го совладале Лос Анџелес на гости во Калифорнија. Меси на втор меч по ред не постигна гол но затоа подели две врвни асистенции до Алба и Кампана.

Повеќе технологија, знае да донесе и повеќе проблеми. На мечот меѓу Порто и Арука рикна ВАР системот, па главниот судија висеше 4 минути на мобилен за да му јават од горе дали има пенал за Порто или не, во ситуација кога губи како домаќин 0:1. Тоа се случуваше во 90-та, па на крај излезе дека немало пенал. Мечот влезе во дури 19 минути продолжение и Порто израмни токму во последната минута.

И Норвежаните се расипаа. Погледнете го овој дуел, печен за некоја комична компилација. Пет секунди го влечеше и го малтретираше, а овој мртов ладен упорно трчаше без да го отргне со рака. Комедии. Ибра да е, ќе му се сврти со мајагери.