Барселона го доби Хетафе 1:0 и врза 7 победи по ред, во 7 кола во Ла Лига, со голот број 7 на Левандовски. Издвојуваме и видео во кое искусниот полски напаѓач се мајтапи со својот чувар. Гостите го изведоа почетниот удар на необичен начин.

И после не чинело италијанско. Дилета Леота да се пензионира во Серија А. Немате ништо против така?

Манчестер Јунајтед уште еднаш, по којзнае кој пат ги разочара своите навивачи откако синоќа одигра само 1-1 против холандски Твенте во 1. коло од Лига Европа. Јунајтед поведе прв преку Данецот Кристијан Ериксен кој постигна прекрасен гол во 35’ минута. Твенте израмни преку Сем Ламерс во 68-ма минута.

Големите стари градски ривали Џенова и Сампдорија во 2. рунда од Купот на Италија одиграа 1- 1 па после продолженија стигнаа до пенали. Џенова прва поведе преку шпицот Пинамоти во 9’ минута а Сампдорија израмни преку ветеранот Фабио Борини во 83-та минута. Сампдорија во судиско продолжение имаше исклучен играч кога Симоне Ромањоли доби црвен картон. На крај токму Дорија славеше на пенали за огромна радост на своите тифози.

Манчестер Јунајтед одигра само 1:1 против Твенте во првото коло од Лига Европа. Одиме веднаш со потегот на вечерта во режија на Лисандро Мартинез. На мал простор изремети двајца противници.

На пријателска средба во Истанбул, пред почеток на сезоната во Евролига, Панатинаикос со 85-56 го совладал Галатасарај. Тренерот на европскиот шампион Ергин Атаман во минатото го водеше Галатасарај, па домашните навивачи го поздравиле. Тој им вратил со гестикулирање 1-3 како асоцијација на големиот триумф на Галатасарај во фудбалското дерби против Фенербахче. Ова до таа мера ги налутило луѓето од Фенер што решиле веќе да не пуштаат свои играчи во репрезентацијата на Турција додека Атаман е селектор.

Малиот 17 годишен Бразилец Ендрик кој на голема врата дојде во Реал Мадрид, почна да ја покажува и својата темна страна. Иако веќе блесна на највисоко ниво, даде дебитантски гол за Реал во Ла Лига и во Лига на шампиони, даде гол за Бразил на сред „Вембли“ во победа против Англија и сите го испофалија, сепак има некој во Бразил кој памти дека тој знае да биде и доста безобразен.

За време на натпреварот меѓу Албион Монтевидео и Торке кој завршил со победа на домаќините 2-1, во еден момент топката летнала кај коментаторската кабина каде скршила стакло. Коментаторот прибран и добар, неповреден.

Си немал работа навивач на Јувентус на трибина, па почнал да му мрчи на друг навивач зошто свирел на сред натпревар, мислиш на балет се отидени, Оревокршачка. Овој прво го отера со пцовки, а потоа фати уште толку да свири по што заработи и аплаузи.

Скоро сите навивачи на премиерлигашите сакаат што поскоро Сити да биде тргнат од тронот. Од таа причина многу навивачи на други клубови го бодрат и Арсенал во намерата да ги кутне „граѓаните“ на Пеп Гвардиола. Минатиот викенд се играше големото дерби меѓу овие два тима и заврши 2-2. Сити се извади со гол буквално во последни секунди, во 90+8’ минута од судиско продолжение.

Милан имаше катастрофално лоша серија во дерби дуелите со Интер. Последен пат ги победија во септември 2022-ра, а од тогаш наваму претрпеа шест порази од кои некои убедливи во сите три натпреварувања. Оваа мизерна серија заврши минатиот викенд кога Милан славеше 1-2 со гол на стоперот Габија во 89’ минута. Инаку Леао само неколку секунди претходно беше изваден од игра од тренерот Фонсека, па му се бунел крај аут-линија. Тренерот имаше попаметна работа.

„Кралевите“ со 3:2 го совладаа Алавес а малку фалеше да го прокоцкаат триумфот затоа што од убедливо водство од три гола во само една минута примија два гола и до крај едвај ја сочуваа предноста. Со оваа победа Реал продолжи огромна серија без пораз.

Пољаците знаат да извадат јака навивачка атмосфера, ама не само во режија на навивачите на Легија Варшава. Горник Забрже и Катовице кои се оддалечени 20 км, се среќаваат за прв пат во прва лига после 19 години. Горник славеше 3:0, а двоен стрелец беше Лукас Подолски кој уште игра на 39 години и ова му е четврта сезона за оваа екипа. Прекрасен амбиент направија навивачките групи кои слават 15 години пријателство.

Реал Мадрид со 3-2 го совлада Алавес, освои три бода и сега со 17 поени ја продолжи трката по Барселона која е прва со 18 бода но и натпревар помалку. Стрелци беа Лукас Васкез, Мбапе и Родриго за 3-0 а гостите во само 1 минута намалија на 3-2 од 85-та до 86-та минута. Винисиус Жуниор уште еднаш покажа колку пргав знае да биде кон противничките фудбалери.

Реал Мадрид куртули против Алавас бидејќи за влакно не ги прокоцка комотните 3:0. Гостите возвратија со два гола во две минути, 85-та и 86-та, неколку минути претходно имаа статива, а во судиско имаа уште две шанси. Ендрик пак дефинитивно не требаше да куртули. За ваков подмолен и неспортски потег се крка директен црвен, суспензија од неколку кола и лекција во соблекувална од Дон Карло. Ваква идиоштина од 90-ти не е видена во фудбал. Да си го воспитате со време детево. Во Шишево не прават вака, а не па во 15 кратен првак на Европа. 

Поради тешка повреда на коленото, Шпанецот Родри веројатно веќе нема да заигра сезонава. Тоа е загуба не само за тимот и тренерот Пеп Гвардиола и навивачите, туку и за сите оние кои го ценат фантастичниот фудбалер без кого беа незамисливи успесите на Сити и на Шпанија.

Следете ја внимателно акцијата на Сандерленд У-18. Воодушевачки е колку делуваат зрели за годините и колку само тимски и паметно ќе ги измамат противниците. А ќе речеш деца. Врвно одиграно од почеток до крај.

Стадионот „Шах Алам“ во Малезија е изграден на почетокот на ’90-те години. Со капацитет од 80.000 гледачи го користеле толку многу во изминатите 30 години што веќе му дотраел векот. Пред неколку години решиле да го уриваат и да изградат нов, најмодерен стадион. На 1-ви јули почнале со уривање а за да привлечат внимание секој чекор од процесот го снимале на холивудски начин.

Го искритикувавме бајаги Халанд, ама па и со право, бидејќи е сепак Халанд од Манчестер Сити кој треба да претставува модел за однесување пред децата кои го гледаат. Еве на пример, што му фали во едно вакво симпатично издание :))).

Лацио и Серија А загубија многу со продажбата на Сергеј Милинковиќ Савиќ во Саудиска Арабија, кој потпиша неодолив тригодишен договор од 30 милиони евра по сезона. Погледнете го триков. Мозок.

Најдобриот фудбалер на Европското првенство кое го освои неговата Шпанија и ѕвезда на Барселона, младиот 17-годишен Ламин Јамал веќе стана светска сензација. Игра фудбал растура. Асистира и дава голови и најзаслужен е што навивачите на Барселона најдоа утеха после Меси.

Ужасната повреда на едниот од најдобрите европски голмани Германецот Марк-Андре тер Штеген ја примора Барселона среде сезона да бара чаре со нов голман. Тер Штеген ќе отсуствува најмалку до крајот од сезоната.

Имаме видено купишта фудбалски терени и стадиони до згради и куќи и тоа не само кај нас, како и до мориња и планини. Ама никогаш до бункер. Баш да видиме за што се работи.