Милан се помачи против последнопласираната Пиза која ја доби со 1:2, со гол во 85-та минута на Лука Модриќ. Хрватскиот ас влета во шеснаесетник како напаѓач и му донесе многу важни 3 бода на својот тим кој е на -5 од градскиот ривал и лидер на табелата. Со 40 години и 257 дена, Модриќ е трет најстар стрелец во историјата на Серија А. Има 2 гола и 3 асистенции.

За тие што не знаат која беше Парма во 90-те и колку култ имаше овој тим: Куп на Италија 1992, 1999 и 2002, Супер Куп на Италија 1999, Куп на УЕФА 1995 и 1999, Супер Куп на Европа 1993, Куп на Куповите на победницте 1993. 

Пусти Роналдо, тртна 41, се испокара со сите во Саудиска Арабија, ама нема шанси да прекине се додека не стигне до опсесијата наречена 1.000 голови во кариерата. Веќе му го предвидоа јубилејниот гол.

Атлетико Мадрид ја прегази Барселона со 4-0. Сите четири гола ги дадоа уште во први 45 минути. Еден од подобрите на терен беше 23-годишниот Џулиано Симеоне, син на Диего Чоло Симеоне. Малиот истрча за сите пари. Имаше 2-3 страшни спринта од пресинг во 90+ во судиско продолжение.

Мајкл Олисе во епизодата кога играш фудбал пред зграда и за малку не си го скршил прозорот на комшијата.

Во првиот натпревар од полуфиналето на Кралскиот Куп, Атлетико Мадрид ја развали Барселона 4-0 со сите четири гола постигнати уште во првиот дел.

Триесет и четири годишниот Лоренцо Инсиње, легендарниот фудбалер на Наполи кој освои Европско првенство со Италија, по авантурата во студената Канада, се враќа дома, во Пескара. После 5.000 денови одново го облече дресот на матичниот клуб. Влезе од клупата за резерви на дуел против Катанѕаро на култниот стадион „Адриатико“.

Ибрахимовиќ беше една од ѕвездите на церемонијата на отворањето Зимските олимписки игри. За БиБиСи сними интересно видео во кое објаснува како се станува шампион во Милано. За време на снимањето падна жонглирање, мајтап, ама и топка.

Нисколигашки меч од Италија меѓу Виртус и Либертас, ни носи ретко видена мајсторија од слободен удар. Од таму обично сите нафрлуваат, а царов ја свитка во гол.

На 12 февруари 2011-та година, Вејн Руни го постигна најубавиот гол во неговата богата кариера и еден од најпрекрасните евроголови некогаш дадени. Во дербито против Манчестер Сити за победа од 2-1 на „Олд Трафорд“.

Со головите на Кејн и Диаз, Баерн го совлада Лајпциг со 2:0 и по дури шест години обезбеди полуфинале во Купот на Германија. Интересна ситуација се случи меѓу Мануел Ноер и 19 години помладиот Конрад Хардер.

Одличниот одбранбен фудбалер на Барселона и репрезентацијата на Уругвај, Роланд Араухо си отвори душа и во разговор за Мундо Депортиво раскажа низ што сè минувал во изминатите година ипол. „Анксиозноста ми премина во депресија и така играв“.

Манчестер Јунајтед ја прекина серијата од четири победи во низа, но барем не загуби и остана четврти подари ремито на Челси против Лидс. Ги спаси Бенџамин Шешко во 96 минута за конечни 1:1 против Вест Хем. Ептен со осет ја одигра. На прва.

Фудбалерите на Палермо се борат за кам бек во Серија А, а ова што го одиграа не сме го виделе ниту од Барселона и Реал Мадрид. Акција во пет потези и голчиште и тоа во првите 10 секунди од средбата против Специја. Махери.

Младиот навивач на Манчестер Јунајтед Франк Илет стигна до 1 милион и 200.000 следбеници на Инстаграм. Лани тој стана познат откако се појави видео на кое тој со долга, пуштена коса рече дека нема да се шиша сè додека Манчестер Јунајтед не победи 5 натпревари по ред. Стигнаа до 4 триумфи во серија во Премиер лига и синоќа пред дуелот против Вест Хем беше спремен за бербер и машинка. Ама Јунајтед едвај извади 1:1 во 90+4' минута до дуелот.

Челси одигра само 2:2 против Лидс во 26. коло од Премиер лигата, откако гостите се вратија со два комада за само 6 минути во вториот дел. Домаќините испуштија чисти 3 бода. Кол Палмер имаше нестварно промашување во 94-та минута. За глава се држеа сите.

Наполи е елиминиран во четвртиналето од Купот на Италија од Комо, кој оди во полуфинале после 40 години. Мечот заврши 1:1 во регуларниот дел, 8:7 на пенали откако Лукаку го утна цел гол, а Лоботка го промаши последниот пенал. Елиф Елмас го одигра цел натпревар и изведе перфекција од 11 метри, а Вања Милинковиќ Савиќ ги изнасмеа сите со ударот.

Ливерпул прокоцка голема победа против Манчестер Сити откако поведе со голчиште за најавни шпици на 15 минути до крајот на средбата. Пазете ликов од каде успеал да го фати. Нема послатко.

Во првото коло од втората лига во Јапонија позната како Ј2 лига, Вегалта го победила Точиги Сити 1-4 а последниот гол за гостите кој го дал Ајуму Фуруја бил маестрален. Прием и лоб врвни.

Фенербахче го совлада Генчлербирлиги 3-1 и ја продолжи потрагата за лидерот Галатасарај кој на табела им бега 3 бода. Свое деби имаше легендарниот Нголо Канте (34) кој одигра 62 минути. После мечот фудбалерот Исмаил Јуксек и другите соиграчи од Фенербахче тргнаа кон навивачите и го учеа Канте за традиционалното навивање со одбројување 1, 2, 3. Тој кутриот скромен и срамежлив не е за тоа.

Земете урамете му го голов и делете го по скаути. Дечково е за на големите фудбалски сцени.

Пет пати го изгледавме видеово пред да го објавиме. Значи му ја краде од зад грб и сè е тоа супер, ама после тоа си дава автогол, ама не по негова вина. Со маалски речник, ова се вика „Тргни се бе глуп, ја имав“. Инаку се работи за мечот Саламанка - Нумансија во шпанската втора лига кој заврши 1:1.

Атлетико Мадрид и Бетис во само 4 дена одиграа многу чудни натпревари. Прво во четвртокот вечер Атлетико на гости го згроми Бетис со 0-5 во четвртфинале на шпански Кралски Куп. А во неделата вечер пред 70.000 свои навивачи, на свој стадион изгуби 0-1 од Бетис. Најдобар играч на натпреварот беше Бразилецот Антони.

Австралискиот нисколигашки фудбал, ни го носи насилникот на годината. Се работи за напаѓачот на Спирит, Калум Кили, кој намерно, без топка го повреди дефанзивецот на Шаркс, Џејми Перчевски, кој инаку има играно за младинските селекции на Македонија. Судијата му даде втор жолт картон, а нашиов се превиткуваше од болка, додека Кили ги креваше рацете од болка и се правеше на тошо.