Словачка до 95-та минута имаше сензационални 0:1 против Англија и пласман во четвртфинале. Белингем израмни со ножички, а Хари Кејн ги постави конечните 2:1 уште на стартот од продолженијата. Затоа се седи на стадион до крај.

Грузија на три меча од првиот историски настап на едно Европско првенство одигра храбар, јуначки отворен фудбал против три големи фудбалски сили како Португалија, Турција и Чешка. Грузијците одат понатаму во осминафинале а тој шок се славел долго во ноќта во главниот град Тбилиси и другите градови и села каде Хвича Кварацхелија и неговите другари се веќе народни херои.

Колумбија со победа 2-1 против Парагвај го отвори настапот на Копа Америка. Во иста група се со Бразил кој изненади со очајни 0-0 против аутсајдерот Костарика. На стадионот „НРГ“ во Хјустон, Тексас, дошле 50-ина илјади колумбиски навивачи кои ја згрмеа националната химна.

Околу 40.000 Холанѓани дошле во Берлин за мечот со Австрија. Иако изгубија 2:3, Холанѓаните се забавуваа пред, за време и после мечот. Одат во следна рунда како една од четирите најдобро третопласирани селекции. Ќе има пак добро техно кај нив во осминафинале.

Пред големото дерби Чиле - Аргентина закажано за доцна после полноќ меѓу вторник и среда на стадионот „МетЛајф“ во Њујорк, илјадници гаучоси се собрале на најпознатото место на светот. А ги запознал и Тајмс Сквер нив, односно нивната прекрасна фешта.

Еуро2024 изобилува со интересни и необични пароли по трибините. Една таква имаа и Унгарците, како шега на сметка на шкотската традиционална вековна носја - тартан сукња. Унгарија победи со гол во 99 минута и 33-та секунда што е најдоцен погодок во историјата на Европските првенства. Го постигна резервистот Кевин Чобот кој влезе од клупата и ја однесе Унгарија во следна фаза.

Извесен Андре Шнура, музичар, облечен во ретро дрес на Руди Фелер од Германија, прави право шоу на Еуро2024. Почнал да прави убава забава на свадби а сега се прослави ан Европското првенство. Оди на главни плоштади и растура најчесто со легендарните Самба де Жанеиро и Фрид фром дизајр.

Во првото коло од Европското еден навивач на Швајцарија на мечот против Унгарија држеше во рака парола со натпис „Фонди подобро од гулаш“ и започна интересно гастрономско Европско првенство. Го продолжи еден Словенец пред дуелот со Србија крена парола: „Крањска подобро од ќебапи“. Сега пред мегданот Хрватска - Италија еве што е на менито:

Во главниот град на Каталонија синоќа имало бурна прослава на стадионот на Еспањол кој се враќа во најдобрата шпанска елитна Ла Лига. Еспањол играше во финалето на баражот против Овиедо и после поразот 1-0 на гости, дома на реваншот славеше 2-0 па со вкупен резултат 2-1 се враќа во Примера.

Па народната за комшијата и кравата, така и Англичаните синоќа каде и да го следеле мечот Унгарија - Шкотска, се сителе на поразот на соседите. Шкотланѓаните изгубија 1:0 со гол примен буквално во 100-та минута (90+10’ од судиско продолжение) и болно испаднаа од Европското. Тоа беше причина Англичаните да им се ситат, дури и на Европско првенство во пикадо во Леверкузен.

Холандските навивачи прават врвни журки на Европското во Германија. Таква сплотеност, дружба зачинета со техно рејв звуци нема ниту една навивачка група.

За разлика од скандалозниот однос на одредени групи албански и хрватски навивачи кои навредливо скандираа против Србија а потоа албанските и против Македонија, од синоќа на главниот централен плоштад Мариенплац во Минхен каде попладне се игра мечот Словенија - Србија, навивачите на двете селекции почнаа убава дружба со пиво и заеднички песни.

Продолжува дивеењето на одредена група албански навивачи на Европското 2024 во Германија. После мечот со Хрватска (2:2) на кој здружено со Хрватите пееја „Убиј Срби“, албанскиот репрезентативец Мирлинд Даку (23) преку мегафон повел песна во која ги пцуе Македонците.

И покрај тоа што УЕФА парично го казни Албанскиот фудбалски сојуз поради тоа што на првиот меч со Италија навивачите на трибините истакнуваа политички пароли, знамиња од ОВК и погрдно скандираа, тој „декор“ не изостана ниту денес. Здружени со хрватските навивачи заедно скандираа „Убиј Срби“.

Шкотите ја префрлија масовната журка од Минхен во Келн каде денес играат против Австрија и ќе пробаат да се вадат после дебаклот од домаќинот Германија. А навивачите им се за сите пофалби. Во Келн двајца од нив ѝ помогнале на повозрасна баба да помине улица за време на обилниот дожд кој врнел.

Австриските навивачи очекувано се меѓу побројните во соседна Германија. Нивниот изглед, ред и дисциплина во група е број 1 досега на Европското. Под конец.

Се претпоставува дека во Германија има од 10 до 12 милиони гости од светот за Европското првенство. Меѓу најбројните очекувано се англиските навивачи, познати по тони испиени пиво, гласна поддршка и бројни знамиња (некои додуше останаа без своите). Еден Англичанец станал хит откако објавил видео во кое раскажува дека е 4 саат сабајле, дека заспал на стадионот и штотуку се разбудил утрото после мечот Англија - Србија.

Колосално изгледа моментот кога околу 30.000 навивачи на Романија ја пееја својата химна пред мечот со Украина од 1. коло во нивната група. Околу стотина романски навивачи претходно биле сопрени да влезат на натпреварот поради тоа што наводно биле запишани во досиејата. Во нивна одбрана сите оние кои беа на стадионот кренаа пароли на германски, англиски и италијански: Слобода за ултрасите.

Во последно време секоја средба меѓу хрватски и албански навивачи има за цел само едно: да се навредуваат Србите и Србија. Така било и при една средба во германски Дортмунд.

И покрај тоа што германската полиција во соработка со колегите од другите земји преземаа сè што можат да не дојде до судир, па дури и забраниле точење алкохол во многу локали во Гелзенкирхен каде играат Англија и Србија, сепак избил инцидент.

Холандското портокалово море како што го завикаа германските медиуми, во Хамбург е милина на колото. Да ти е ќејф да ги гледаш како се журкаат, на свој техно стил, и младо и старо и машко и женско. Браво лалиња!

Швајцарија по примерот на Германија, на првиот меч на Европското го растури својот ривал. Германците славеа 5-1 против Шкотска, а Швајцарците 3-1 против Унгарија. Славеа и на терен и на трибини.

Се очекува околу 100.000 Шкотланѓани да бидат присутни на Европското првенство. Првата ударна ескадрила веќе пристигна во Минхен и веќе се налева со тони баварско пиво. Еуро 2024 почнува вечерва на „Алијанц Арена“ со мечот Германија - Шкотска.

Британецот Гус кој во ноември 2022-ра година објави фотографија со пива од сите репрезентации учеснички на Мундијалот во Катар, сега го повтори подвигот со Европско 2024. Гус објавил фотографија на Твитер насловена како Евро 2024. 24 земји. 24 пива.