Германија во четвртокот испадна од Светско првенство втор пат по ред во групна фаза. Стотината најверни навивачи на „Маншафт“ кои не го бојкотираа Светското и допатуваа во Катар, ќе се покаат за тоа. Прво што нивните репрезентативци играа слабо, второ што на крајот присутни Арапи ги провоцираа со фотографии од некогашниот германски репрезентативец Месут Озил.

Мексико синоќа ја совлада Саудиска Арабија, ама не оди во осминафинале поради подобрата гол разлика на Полска, која тиња фудбал играше против Аргентина, цели 90 минути. Мексиканецов има потполно право да биде во вакво расположение.

Во Катар станува сè позабавно и не можеш да познаеш кој е кој.

Меѓу бројните видеа од далечниот Катар, две-три деновиве го освоија интернетот. Едно е како навивач на Мароко доаѓа кај симпатичните и колоритни навивачи на Сенегал и игра традиционални танци со нив. А друго видео е приказна за себе.

„Не ги знаеме играчите, туку само навиваме за Хрватска“ е од прилика богатата анкета со „навивачите“ на Хрватска.

Секој со своето. Браво цареви, добра забава е ова. Возете си го филмот, Светско е.

Во втората турска лига на мечот меѓу Ѓезтепе и Алтај, главниот судија и делегатот решиле да го прекинат натпреварот после серија големи инциденти. Во еден момент домашен навивач упадна на терен и со корнер знаменце со сета сила го удираше гостинскиот голман. А во текот на дуелот од гостинската трибина полетала ракета кон домашната трибина каде тешко биле повредени две деца и еден возрасен човек кој бил во критична состојба.

Популарната Ивана Кнол врзува три Мундијали по ред и со секое појавување на трибина и им ја полни меморијата на телефоните на сите што се околу неа.

Најголемото знаме во Катар го имаат Хрватите. Тие го веат уште од Европското 2004 во Португалија, преку Светските првенства во Германија, Јужна Африка, Бразил и Русија. Сега е во Доха. Го носат дечки од хрватското градче Цриквеница. Долго е 200 метри и тешко околу 100 килограми.

На Твитер веќе неколку дена главно прашање на тема девојки во Катар е: Која е девојката која го разубави мечот меѓу Аргентина и Саудиска Арабија? 

Јако е да си ја гледаш земјата на Светско. Убаво е ако можеш да си дозволиш да ја бодриш на лице место. Емотивно е кога ќе ја чуеш химната. Ама за овој на Велс - Иран не ни е јасно баш.

На едно вакво масовно првенство со 32 земји учеснички, не може да нема будалаштини. Една таква е забележана на мечот Холандија - Еквадор.

Не издржа врелата латинска крв без да направи закачка. На колоритните улици во Катар пресметка имале навивачи на Мексико и Аргентина.

Идејата е врвна и не веруваме дека на некој до сега му текнало да ја примени, ама џандарот му одигра кец у два.

Иако веќе е нашироко апсолвирана тема, ова што го прават Јапонците одново и одново на секој турнир е стварно чудо. После историски, најголем триумф против една Германија на Светско првенство, во нивната соблекувална како во аптека. И на трибини исто. Победа е победа, прослава е прослава, ама на крај до последен пикавец собран.

Додека чекаат да дојде следен меч за гледање, Мексиканците се занимаваат со катарската полиција на коњица која набљудува дали е сè во ред.

Јапонците направија голема сензација откако после пресврт со 1-2 ја победија Германија. Во главниот град на земјата лудило од радости и еден интересен момент. Стотици пешаци чекаат да се вклучи зелено светло па се гушкаат на пешачки и познати и непознати. Трепка за црвено, се повлекуваат назад.

Најверните навивачи на црвено црниот тим, приредија ноќ за паметење на Градски. Вардар го совлада Железничар од Сараево со 2:0, а двата големи јубилеи, 75 години Вардар и 35 Комити беа одбележани со голем навивачки спектакл.

На илјадници Австралијци, претежно млади, не им сметало што поради различните временски зони, морале да станат во рани зори за да на еден од плоштадите во Мелбурн го гледаат мечот Австралија - Франција. Најхрабрите дури и пивнале некое пиво на гладно а после 10’ минути игра голема радост за голот и водството на „кенгурите“. Не издржаа сепак до крајот и светскиот првак ги испраши 4-1.

Има забава во Катар, ај ти. Особено ако сте навивач на Саудиска Арабија, па и репортер од Јапонија, чие известување се претвори во арапско шоу. А и него некако му легна друштвото.

Гиљермо Очоа важи за легенда на Мексико и еден од малкумината во историјата на фудбалот со учество на пет Мундијали. 37 годишниот голман на мексиканскиот клуб Клуб Америка кој има 132 настапи за репрезентација, синоќа му фати пенал на Левандовски за Мексико - Полска конечни 0:0. Погледнете ја радоста на децава.

Да потсетиме, Саудиска Арабија ја победи Аргентина со пресврт и тоа со два гола за 5 минути. Не е во мода повеќе да се фрлаат телевизори.

Саудиска Арабија ја победи Аргентина во првото коло на Светско и ѝ го нанесе првиот пораз после 36 средби. Навивачите имаат потполно право да слават после овој сензационален резултат кој го остварија со пресврт.