Offside › Набрзинка

Крушевска одбојкарска приказна

25 August 2026

Иако во моментов нема активни клубови во градот, Крушево е еден од најпознатите одбојкарски центри во Македонија, кој останува како идеална локација за подготовки на македонските национални одбојкарски тимови.
Случајност или не, тројца крушевчани стојат како предводници на националните тимови во моментов. Селекторот на А репрезентација Јошко Миленкоски, неговиот прв асистент Кристиан Ристески и предводникот на селекцијата У-20, Јован Шапе.
Тројцата потекнуваат од славната крушевска школа, од редовите на Нико Доаѓа и Синалко, за години подоцна основите да ги пренесуваат на идните генерации.
Не само играчки, туку и тренерски се кова следната генерација, па покрај Ристески и Шапе кои треба да ја продолжат славната крушевска традиција поставена од Миленкоски, во овој тим се и Атанас Милев и Васе Михаилов, кои се дел од стручниот штаб на сениорите.

Јован Шапе, феномен во македонската одбојка

извор

Макс Ферстапен во Формула 1 ќе заработува од 100-120 милиони евра

25 August 2026

Познатиот зналец за Формула 1, британскиот новинар Џо Сејвард пишува на својот блог дека еден од најдобрите пилоти во историјата на Ф1, младиот Макс Ферстапен со новиот договор со Ред Бул ќе заработува сигурни 100 милиони долари годишно, а со евентуални бонуси би можел да стигне до 120 милиони долари.
Договорот ќе важи до 2030-та година.
Претходно новинарот Марк Лимаше пишуваше дека според негови информации, Макс Ферстапен би можел да заработува до 115 милиони долари годишно во Ред Бул.
Како и да е, тој ќе биде еден до најплатените спортисти на сите времиња.

извор

Легендарниот Светислав Пешиќ предава во Скопје: За малку ќе заиграв за Работнички

24 August 2026

Големиот кошаркарски стратег, Светислав Пешиќ се приклучи кон одбележувањето на 80-годишнината од формирањето на Работнички, а во оваа прилика и откри дека малку фалело да го облече дресот на нашиот најтрофеен клуб.
„Малку требаше и малкумина знаат дека требаше да станам играч на Работнички. Во времето додека настапував за Пирот во Втора лига Исток, исто како и Работнички. Легендарниот Лазар Лечиќ ме повика во Скопје, ми покажа каде ќе живеам и ми вети дека сигурно ќе завршам Економски факултет. Секогаш се прашував зошто мене ме вика кога ги има најдобрите кошаркари на надворешните позиции. Можеби затоа се свртев кон Белград и заминав во Партизан“, открива Пешиќ.
Според неговата биографија станува збор за период од 1967 година кога легендарниот кошаркар и тренер се пресели од Пирот во Партизан. Во белградскиот клуб помина четири сезони, а потоа уште осум во Босна со која во 1979 година стана европски шампион и ја заврши кариерата.
Новинарот Живко Здравковски забележува дека големиот Кари Пешиќ е единствен селектор во историјата кој освоил европски и светски златни медали во младинските (со СФРЈ бил европски првак до 16 години и до 18 години, светски првак до 19 години) и сениорските категории на ФИБА (со СРЈ и Германија бил европски и со СРЈ бил светски првак).
Единствен селектор е во историјата на кошарката кој го освоил Евробаскетот со две различни репрезентации: со Германија во 1993-та година и со СР Југославија во 2001-та.
Единствен селектор е во историјата кој освоил злато на светските првенства и на јуниорско ниво (до 19 години во 1987 година во Бормио, Италија) и на сениорско ниво (во 2002 година, во Индијанаполис, САД). Со Србија освои олимписка бронза во 2024-та година и светско сребро во 2022.

извор