- Спомнатите и уште дузина други артисти (Роџер Вотерс, Прајмал Скрим, Сигур Рос, Могваи...) потпишаа отворено писмо до Европската радиодифузна унија со барање да го забрани Израел на овогодинешниот Евросонг.
- Кампањата „Нема музика за геноцид“ ги повикува уметниците, радиодифузерите, организаторите на проекциските забави, екипите и фановите да го бојкотираат натпреварот по одлуката на ЕБУ да му дозволи на Израел да се натпреварува, и покрај тековниот геноцид во Газа, каде што се пријавени 784 смртни случаи и 2.214 повредени откако стапи на сила „прекинот на огнот“ на 10 октомври.
- За бојкот веќе се решија Шпанија, Ирска, Исланд, Словенија и Холандија.
- Либанскиот премиер го обвини Израел за воено злосторство поради намерно убиство на новинарката Амал Кабил во јужен Либан. При нападот беше ранета и фотографката Зејнаб Фараџ.
- Откако со проектил било погодено првото возило од конвојот на новинарите, и притоа загинале двајца мажи, Кабил и Фараџ се засолниле во куќа во селото Тајри. Веднаш потоа била погодена и куќата.
- Израелските сили отвориле оган и врз обележаното амбулантно возило што се упатило кон новинарите. Првите екипи стасале до телото на Кабил и до ранетата фотографка по неколку часа.
- Израелските сили објавија дека гаѓале „возила што се одвоиле од воена структура на Хезболах“ и претставувале „непосредна закана“. Било погодено едно од возилата, а потоа и „објектот во кој избегале другите лица“.
- Калил во 2024 година изјави дека добила смртни закани и предупредувања да го напушти Либан.
- Таа е деветтиот новинар убиен во Либан оваа година. Откако Израел ја почна војната на 2 март, убиени се повеќе од 2.300 луѓе, а повеќе од 1 милион беа протерани од домовите.
- Масите се „излезени“ надвор од застаклените тераси на кејот и пред „Торос“ и пред „Бела виста“ и се протегаат до клупите што пред неколку години ги постави Град Скопје.
- Во Старата чаршија на уличките каде што има повеќе угостителски објекти, луѓето не можат да поминат раат по тесниот простор што е оставен помеѓу „летните тераси“.
- Безредие владее и на улица „Македонија“, каде што кафулињата постепено си се шират по еден ред повнатре на шеталиштето, а некои од нив, на пример „Студио 54“ буквално има поставено маси и столици по целата ширина на улицата.
- За давање дозволи за поставување урбана опрема на овие локации, кои воедно се најпосетени и од туристите што сѐ повеќе ги има низ Скопје, надлежен е Град Скопје. Оттаму убедуваат дека константно работат да воведат ред во поставувањето урбана опрема на улица Македонија, на кејот и во Старата чаршија и дека сè уште не се издадени дозволи за летните тераси, пишува Слободен печат.
