Вести › Набрзинка

Голема експлозија во Рим, десетици повредени

4 July 2025
  • Страотни експлозии одекнале од бензинска станица во источниот дел на Рим.
  • Властите објавија дека се повредени осуммина пожарникари и полицајци, но локални медиуми пишуваат дека има повеќе од 40 повредени луѓе. Некои се во сериозна состојба.
  • Експлодирале резервоари во центарот за дистрибуција на нафта, дизел и плин во квартот Пренсетино, откако камион удрил во гасоводот и го оштетил. Пожарот се проширил на околното складиште, а бранот од детонацијата оштетил згради. Црната печурка од чад се гледала од цел Рим.
  • Откако се активирал алармот и замирисало на гас, луѓе во стампедо бегале подалеку од станицата. Итно пристигнале противпожарни екипи, полиција, карабинери и доброволци од цивилната заштита. Тогаш одекнала силна експлозија, па уште една, пишува локалниот портал RomaToday.
извор

Засилување од доброволци за Бундесверот

4 July 2025
  • Германија планира да воведе шестмесечен воен рок на доброволна основа за да се привлечат повеќе лица во резервниот воен состав и да се засили националната одбрана. Министерот за одбрана Борис Писториус настојува законот да биде усвоен до крајот на јули, а обуката на доброволците да почне од мај 2026 година.
  • Доброволните регрути ќе бидат задолжени за едноставни мисии како чувари, а може да поминат и обука за возење камион или тенк. Со нив би требало бројот на обучени резервисти да се зголеми на 100.000. Некои веројатно ќе посакаат да останат во воена служба.
  • Ќе бидат изградени импровизирани касарни, за да бидат поблизу до регрутите.
  • Ако интересот не биде доволно висок, властите ќе ја разгледуваат опцијата за враќање на задолжителното регрутирање, кое беше укинато во 2011 година.
  • Министерот Писториус побара бројот на лица во воена служба да се зголеми од актуелните 180.000 на 260.000. 
извор

За четири години изгубивме едно Кавадарци

4 July 2025
  • „Во последните четири години, изгубивме повеќе од 33.000 жители, како да исчезна еден град од големина на Кавадарци или Кичево. Стапката на наталитет падна од 12,5 процентни промили во 2010 година на само 8,8 во 2024“, предупреди Христијан Мицковски.
  • Во некои земји ваквите појави се тренд, кај нас се аларм, вели тој.

  • Премиерот нагласи дека целта е да се направи животот вреден, мајчинството благослов, а не товар, но и да им се дадат причини на младите да останат. 

  • Нагласил дека сериозно размислуваат за воведување дополнителни даноци за немаженитее и неженетите. 

     
извор

Штета ако сте пропуштиле

Дали помисливте на ова пред да купите стан?

Вака се почнува меден месец!

Работава ни е „омнишемблс"

Откриен трикот на бубашвабите