Донеле забрана и за движење во шума. Забраната не е само за групи поголеми од петорица, од тројца, од двајца (па да ги осуетиш оние на кои би им текнало да се соберат на пикник и да пафтаат скари), туку ама баш за секој, и за шетач поединец. И тоа скромно, од 6 сабајле до 8 вечер. После 8 смееш, ама, не смееш, пошто е полициски час. Ако не можеш во шума поради забрана, ако не можеш околу зграда бидејќи клупите ти ги спакувале во најлон, ај па тогаш да тркнеме до Веро?

Не барајте појак муабет од овој. Овој е најјакиот. За брзината на Брзата помош и за нивниот недомаќински однос кон инекциите.

Знаат они за студии дека вирусот обично се собира на средина на улицата? Дека ако одиш по средина на непрскано влегуваш во ризична група а ако одиш по средина на прскано тоа ти е итра алтернатива на самоизолација? 

Се надеваме дека Фридом хаус и другите ќе го регистрираат овој Сотомајорски скок на слободите во оваа некогаш заробена држава која си го смени името за да ја отстрани последната пречка кон нејзината европска иднина. Ако па на некои сме им досадни со „името, па името“, да знаат дека тоа не е ни промил од она колку тие ни се гадат. Но, да одиме кон веста.

На луѓе од солунското предградие Евосмос им прекипел карантинот па решиле да си направат своја невладина забава во маало, кој на улица, кој на балкон.. Нашата полиција не мора да стравува, нас уште масовно не болат нозете како се изжуркавме на оние концертите за НАТО.