Само во оваа постава некој може да каже дека го „свирам првиот глас“ а тоа да не е фејкњуз. Елем, друштванцето нашло начин како гласовите да ги искористи како инструменти. Што сè човек на овие простори нема да смисли само да не се фати за мотика или да седи со жена му.

Памтите во што беше суштината на Преспанскиот договор? Македонија да ѝ се даде на тацна на Грција, како термин кој може да го користи на ексклузивен и неусловен начин, а ваму да се преименуваме на секој плочка и штембил, со пропратни звуци од мизерни државни концерти и продолжено зуење на брусилици на шахти. Јак дил, нели? Да им покажеме како изгледа таа капитулација на оние на кои ни трансплантација на мозок не би им помогнала. 

Затоа денес овие примитивци на власт можат да ве „прцаат“ како што сакаат. И тоа го прават многу успешно.

Павел и Венци Венц фино го запердашиле она патриотско мавање по гради на алкохолен погон што е феномен својствен на целиот овој тажен регион (пред концертно да ја опејува нашата светла НАТО иднина со сменето име, Вртев тоа го викаше „со скинати гаќи и опинок во глава“). Ама, особено е бурлеска кај оние кои патриотски жалат по туѓи девојки од туѓи дворови. Зошто прават така? Е, види наслов, де.