Bookbox › Набрзинка

Сите победници на Кан 2022

29 мај 2022

Роберт Остлунд ја доби својата втора Златна палма на Кан за „Триаголник на тагата“, сатира на културата на „инфлуенсери“. Претходно тој се закити со истото признание за „Квадратот“.
Наградата за најдобар режисер отиде кај Парк Чан-вук за „Одлука да се замине“ кој беше сметан за фаворит и за Златната палма. За најдобар актер беше прогласен Сонг Канг Хо за „Брокер“ на Хироказу Коре-еда, додека Зар Амир Ебрахими ја доби наградата за најдобра актерка за „Светиот пајак“.
Беше доделена и специјална награда по повод јубилејот, 75 години постоење на Кан, а добитници се браќата Дарден за „Тори и Локита“. Најдоброто сценарио е за египетскиот „Момчето од рајот“.

Види претходно: Кои се можните победници на овогодинешниот Кан

извор

Повторно „оживеани“ фотографии од браќата Манаки

25 октомври 2025

Во понеделник, 27 октомври во 20 часот, во Културно Информативниот Центар – Скопје, ќе се отвори изложба на дела настанати на работилниците за алтернативна фотографија кои се одржаа во село Смилево, во организација на фестивалот Зрно.
Од 17 до 23 јули, манастирот „Св. Петар и Павле“ во Смилево беше дом на едно од највпечатливите летни уметнички собирања каде колу педесет фотографи и млади автори од различни европски земји, заедно со волонтери од Македонија, Србија и Словенија, учествуваа на четвртото издание на Зрно, посветено на благородните фотографски процеси.
Оваа година, фестивалот Зрно ја збогати својата програма со исклучително значаен сегмент – изложба што вклучува негативи од опусот на браќата Манаки, љубезно отстапени и дигитализирани од Архивот на Македонија – одделение Битола. Овие ретки материјали, сведоштва на првите чекори на балканската фотографија, беа повторно оживеани преку нивна современа интерпретација во различни историски техники. На тој начин, им беше подарен нов живот – како поетски дијалог меѓу минатото и сегашноста, и како искрена почит кон визионерството и наследството на браќата Манаки, во рамки на овогодинешната соработка меѓу Зрно и Архивот на Македонија.

извор

Почнува 4-тата конференција „Наука за деца“

16 октомври 2025

4-тата научна конференција „Наука за деца“ ќе се одржи утре и задутре (17 и 18 октомври) во приватното училиште „Нова“ во Скопје, а оваа година темата е вештачка интелигенција (ВИ)
Во рамките на отворањето утре, петок, предавања ќе одржат трите стипендистки – Ангела Тунеска, Софија Петковска и Деа Атанасов, кои изминатата година работеа со нивните ментори Илија Дуковски (Boston University), Андреј Ристески (Carnegie Mellon University) и Билјана Мојсоска (Roskilde University). Задутре, сабота, ќе се одржат работилниците на следниве теми: 1. ШТО БАРАШ ТИ ВО МОЈА ПЕСНА? - ЧОВЕК И МАШИНА ВО ДУЕТ со Никола Перевски - Пере и проф. Никола Стиков, 2. В.И. ВО УЧИЛНИЦАТА: СОНУВАМЕ ЗА ЧАС ОД ИДНИНАТА со Мирјана Пауновска, м-р Драгана Стиков и проф. Ана Стојанов

Пријавувањето на работилниците се уште трае (до пополнување на местата), тоа можете да го направите тука.

извор