Лондонска галерија мораше да отстрани неколку сувенири поврзани со Ван Гог од својата продавница откако се соочи со реакции за наводна несензитивност на дизајнот и релативизација на прашањето на менталните болести.
Најспорна е голема гума за бришење во облик на уво - очигледна референца на фактот дека холандскиот сликар во момент на растроеност си го исекол левото уво. Подоцна поминал една година во психијатриска болница во Франција.
Од галеријата Корто (Courtauld) изјавиле дека никогаш немале намера да бидат нечувствителни кон ваква значајна тема, и дека станува збор за мал дел од сувенирите направени по повод изложбата „Ван Гог: автопортрети“, која ќе трае до мај.
Наташа Атанасова (blen.mk) и Марија Павлеска (@mama_mi_chita) го започнаа книжевниот подкаст ЧИТКАСТ.
Во првата епизода низ игрив дијалог се покриваат куп теми, меѓу кои: Книга, киндл или аудиокнига?; Три книги со најголемо влијание на нивните животи; Една книга што би ја спасиле при пожар; Како бираат што читаат? итн.
Данскиот музички состав ЕФТЕРКЛАНГ ќе оджи концерт на отворено во културниот центар Паблик рум на 1 мај. Настанот, кој е замислен како “пикник – концерт” ќе започне во 14 часот.
ЕФТЕРКЛАНГ е дански бенд составен од три пријатели од детство, Мадс Браусер, Каспер Клаусен и Расмус Столберг. На 27 септември 2024 година го објавија нивниот 7 студиски албум насловен како “Things We Have In Common” со што ја започнаа својата светска турнеја.
Документарниот филм, “Efterklang: The Makedonium Band” (за кого во Букбокс пишувавме тука) беше премиерно прикажан во рамки на фестивалот “CPH:DOX” во Копенгахен, додека домашната премиера се реализираше во рамките на минатогодишниот филмски фестивал Синедејс.
