• Дваесет и четвртото издание на Фестивалот на европски филм Синедејс почнува на 3 декември и ќе трае до 10 декември. Мотото годинава е „Се гледаме на другата страна“. Ќе се прикажат над 60 филмови во осум програми, а ќе има и работилница „Маркетинг на филм“.
• Два филма се на почетокот на фестивалот: „Тоа беше само несреќа” во режија на Џафар Панахи, кој доби Златна палма на Канскиот фестивал и „Човек лавина“ на Слободанка Рудин, за еден од најдобрите тапанари во поранешна Југославија, Драгољуб Ѓуричиќ.
• На 4 и 5 декември, во клубот МКЦ, во рамките на СинеМјузик вечерите, ќе има специјална селекција од десетина млади европски бендови, поддржани од Лајвјуроп програмата. Влезот за концертите е бесплатен.
• Фестивалот ќе се одвива во кино Фросина и Денсинг салата во МКЦ. Билетите ќе бидат по цена од 200 денари за сите филмови, а може да се купат онлајн на bileti.mkc.mk и на самиот влез на МКЦ.

Целата програма по денови тука