Bookbox › Набрзинка

Почина актерот што го играше Дамблдор во „Хари Потер“

28 септември 2023

Сер Мајкл Гамбон, познат по своите театарски, телевизиски и филмски улоги, почина на 82 годишна возраст. Веста за смртта на актерот, познат по улогата на волшебникот Дамблдор од серијата на филмови „Хари Потер“, била објавена од страна на неговата сопруга и син.
Пред својот глобален успех поради улогата во филмовите „Хари Потер“, Гамбон бил препознаен драмски актер, глумејќи улоги напишани од Пинтер, Бекет и Окбрн.
Други значајни филмски улоги му се во „Готвачот, крадецот, неговата сопруга и нејзиниот љубовник“ на Питер Гринавеј од 1989, хоророт „Слипи Холоу“, а неговиот глас е наратор во „Аве Цезар“ на браќата Коен.

3 април 2025

Утре (петок, 4 април) во Градската библиотека „Браќа Миладиновци“ – Скопје ќе се одржи разговор со писателот и преведувач Владимир Јанковски, чиј роман „Ехото на акробатите“ е книга за месец април во сите библиотеки од мрежата на ГБСК. Разговорите со домашни автори, книгата на месецот и клубот на читатели се препознатливите елементи на големата кампања „Читаме современи македонски автори“.
Модератор ќе биде Александра Јуруковска, а фрагменти ќе чита актерот Андреј Серафимовски. Настанот ќе се одржи во 19 часот во спомен-собата „Т’га за југ“.
Јанковски за оваа книга ја доби наградата „Пегаз“ за најдобар необјавен роман во 2024 година, признание што го доделува издавачката куќа Арс Ламина.

31 март 2025

Второто издание на фестивалот за литература и општа култура „Видик“ ќе се одржи од 2 до 16 април 2025 во организација на „Литература.мк“. Тој се отвора во среда (2 април) во 19 часот во книжарницата во Дајмонд мол со промоција на новиот роман „Три Марии“ на Оливера Ќорверзироска. Следат 15 уникатни настани кои се спој на литература, музика, театар, дизајн и филм.
Средствата од продадените билети за музичките и театарските настани ќе бидат донирани за настраданите во несреќата во Кочани.
Присуството на музичките и на театарските настани е со влезници и со резервации на 070 391 100.
Повеќе детали за целосната програма тука