Bookbox › Набрзинка

Големите јубилеи кои ги одбележавме (или пропуштивме) во 2023-та

27 декември 2023

1843 - Џинсот е патенетиран од Џејкоб Дејвис и Леви Штраус, со мало прилагодување на работнички пантолани со метални делчиња за да бидат потрајни.

1943 - Премиерно прикажување на „Казабланка“ во САД. Филмот за бегалци од окупираната Европа во време на Втората светска војна вклучувал актери кои и самите биле бегалци.

1963 - Претседателот Џон Ф. Кенеди е убиен во атентат во Далас.

1973 - Пинк Флојд го објавуваат антологискиот албум „Темната страна на месечината“.

1993 - World Wide Web е пуштен во јавен домен, со што интернетот станува достапен на секој кој има конекција (последиците се чувствуваат до денес...).

2003 - Претседателот Џорџ В. Буш наредува инвазија на Ирак, започнувајќи војна со длабоки последици за целиот свет. Најмалку 270.000 Ирачани, главно цивили, се убиени, а и околу 4.600 американски војници.

2003 - Умира Џони Кеш, по кариера која траеше повеќе од половина век.

Повеќе годишнини на линкот.

извор

Зошто треба да се пишуваат и негативни критики?

29 јули 2025

„Македонската книжевна сцена со години, ако не и со децении е заглавена во еден вртлог на немање силна, разумна, издржана критика. Нема критика која пробува критички и теориски да пристапува на книжевните дела и да ги елаборира нивните добри и/или лоши страни наместо само да ги хвалоспева делата што се појавуваат во македонската книжевна продукција“ - пишува Андреј Медиќ Лазаревски за Култура Бета.
Во ситуации како во нашата домашна книжевна продукција, кога самата продукција е во состојба да издава колку што издава, неопходно е формирање на јасна, здрава, цврста и издржана критичка мисла за да може самата продукција да се филтирира, а со тоа и да се подобрува, да напредува и, секако, да воспоставува комуникација, дијалог и дискусија за книжевните дела кои се објавуваат наспроти воспоставената пракса на „тапкање по рамо“ и зборување „зад грб“.
Зарем непишувањето на текстови за некои дела не е доволна критика за самите нив. Зарем игнорирањето на лошите книги не е доволна критика за нив. Зарем неучеството на тие дела во јавната книжевна дискусија не е доволна критика за нив!? Не! Одбегнувањето на лоши книги не е ниту субверзивно, не е ниту кул, не е ниту естетички и книжевно-теориски оправдано.

извор

Рибарски караници на Ротинско езеро

22 јули 2025

Премиерата на претставата „Рибарски караници“, по текст на Карло Голдони, а во режија на Јован Ристовски, на 25 јули ќе биде изведена на отворено, до Ротинското Езеро во потпелистерското село Ротино.
Битолскиот театар со поддршка од Општина Битола започна со реконструкција на патот до езерото, туристичка атракција каде што првпат ќе се одигра театарска претстава. Од Народниот театар во Битола велат дека ова е уште еден доказ дека театарот го менува светот, а директорот Васко Мавровски најави театарски спектакл.
Во комедијата играат Никола Стефанов, Јулијана Мирчевска, Никола Пројчевски, Соња Ошавкова, Петар Горко, Марија Цветановска, Леонида Гулевска, Валентин Дамчевски, Елена Мошевска, Живко Борисовски, Петар Спировски, Александар Димитровски, Илина Чоревска, Катерина Аневска-Дранговска и Марија Стефановска.

Билети за 26.07. тука

извор