Bookbox › Набрзинка

Голема победа на „Адолесценција“: сите добитници на наградите „Еми“

15 септември 2025

Драмата на Нетфликс, „Адолесценција“, освои шест награди за телевизиска продукција, а 15-годишниот британски актер Овен Купер стана најмладиот машки добитник на наградата на доделувањето на наградите „Еми“, кое се случи рано утрово (15.09.) по македонско време.
Драмата во четири дела ја освои и наградата за најдобра мини-серија, како и награди за режија и сценарио, при што Ерин Доерти ја освои наградата за најдобра споредна женска улога, додека Стивен Греам освои две награди за сценарио и глума во мини-серија.
Драмата „Питс“ освои три награди, вклучувајќи најдобра драмска серија и две награди за глума, а Ноа Вајл беше прогласен за најдобар главен глумец во драма, негова прва победа на Еми по повеќекратните номинации за серијата „Итна помош“.
Комедијата „Студио“ беше прогласена за најдобра хумористична серија, додека Сет Роген освои награди за најдобар актер, сценарист и режисер на хумористична серија.
За најдобра актерка во комедија беше прогласена Џин Смарт за „Хекс“, Педро Паскал доби награда за главна машка улога во „Ласт оф ас“, а Хана Ајнбандер за споредна женска улога во комедија за „Хекс“. Целосна листа тука.

Букбокс осврт за „Адолесценција“ тука.

извор

Сајт на денот: Етимотека

27 јануари 2026

Емилија Нешкоска-Чретник е лингвистика и докторантка од областа на етимологијата на Филозофскиот факултет во Љубљана. Нејзините почетоци со истражувањата за македонскиот јазик ги започнала на Филолошкиот факултет во Скопје, каде ги завршила студиите по македонистика. Сега работи во еден од водечките етимолошки центри во регионот, на Универзитетот во Љубљана.
„Благодарение на стручната поддршка, како и располагањето со богата литература што ја поседува Институтот за словенечки јазик Фран Рамовш во Љубљана, започнав да го реализирам еден од најважните и долгоочекувани проекти за македонистиката – Етимолошкиот речник на македонскиот јазик, кој претставува мој личен потфат. Овој потфат не само што има за цел да го пополни значајниот научен јаз во македонската лингвистика, туку има за цел да ја воведе етимологијата во фокусот на истражувањата, каде што досега беше маргинализирана“, вели aвторката на својот сајт.
Порталот е составен од три дела: Етимолошки речник на македонскиот јазик, Етимолошки материјали за македонскиот јазик и блог. Тој нуди систематски обработени податоци за потеклото и развојот на зборовите: нивната хронологија, фонетски и семантички промени и нивните индоевропски или словенски паралели. Во најновиот блог пост се анализира етимологијата на македонското „чекор“ и неговата врска со „чкор“.

Алал, Емилија!

извор

Фабриката „Треска“ некогаш била место за игранки и гитаријади

22 јануари 2026

Пред да стане симбол на урбанистички судир, „Треска“ била практична, жива инфраструктура за младинската музика: фабрички клуб што во доцните 60-ти значел – сала, струја, озвучување, публика, ред. А во време кога вторaта генерација македонски рок-состави веќе е активна (1967), токму ваквите места ги држеле бендовите на нозе.
Во социјализмот, работните организации/фабриките често функционирале и како културни центри: имале свои сали, мензи, клубови, синдикални структури и често поддржувале или домаќинеле настани (игранки, фестивали, младински програми, КУД-ови). Во многу градови „Домови на култура“ и работнички културни друштва се врзуваат токму со работни колективи и локални индустрии.
Постојат и сведоштва за судири помеѓу младинската бучава (бит/рок) и организациските ограничувања – исклучени појачала, „жири“, „неутрална страна“, „врски“, „недозволена опрема како причина за одземање на место“ или бендовите кои биле организатори на настанот, да бидат и добитници на првото место.

извор