• На 28 мај (сабота), со почеток во 11 часот, во просториите на Јавна Соба (Public Room) во Скопје, ќе се одржи Нихон-Џи Фестивалот - првиот, наедно и најголемиот фестивал за јапонска култура од овој тип досега организиран на нашите простори.
• Организацијата е на Јапан.нет.мк (japan@mk), а ќе бидат прикажани повеќе аспекти од јапонската култура, вклучително литература, кинематографија, музика, архитектура, боречки вештини, гастрономија, мода и поп култура, односно аниме, манга, косплеј и видео игри, со цел да го пренесе совршениот микс на традиционалното и модерното од Јапонија во Македонија. 
• Посетителите ќе можат да присуствуваат на работилници за специфични јапонски вештини (кумихимо, монкири и церемонија за чај) и на три посебни трибини (Културно општествена трибина: Јапонски животни и работни навики, култура, менталитет и општествени норми; Аниме: Разликата помеѓу западната и јапонската анимација и Литература: Популарни јапонски концепти во литературата и уметноста кои наоѓаат своја примена во зголемување на квалитетот на живот). 

Деталната програма и учесниците се наведени на официјалната страна.