- Проектот „Македонија“ на бразилските уметници Вилсон Нето и Даниел Частинет започнал во 2019 кога тие пристигнале во Битола, на Меѓународната ликовна колонија Де Ниро. Во текот на престојот тие произвеле скици, фотографии и цртежи кои потоа се преточени во нивни дела.
- Изложбата која ги содржи најпрвин била поставена во Бразилија, а сега и во родниот град на авторите, Фортазела во Бразил. Во промотивните материјали Македонија се нарекува „европски бисер кој се крие на Балканот“.
- По овие претставувања, планирано е изложбата да се прикаже во Бугарија и во Македонија.
- Како најава на нова архитектонска публикација „Артемушкин и Скопје“, која го истражува творештвото на еден од најголемите градители од периодот меѓу двете светски војни, авторите Ноеми Чаусидис и Мартин Ефремовски нудат уникатна прошетка низ нејзината содржина.
- Настанот ќе се одржи оваа сабота – 16-ти ноември, во 12:00 часот, и ќе започне од фонтаната Лотус на влезот во Градскиот парк.
- Ќе бидат посетени познатите палати Рубен, Бојаџиеви и Арапска куќа, но исто така ќе се откријат и помалку познати примери од творештвото на Артемушкин кои често ги игнорираме во секојдневниот живот низ Скопје. Регистрација е обврзна, на линкот.
- „Орбитал“ на британската авторка Саманта Харви, е романот којшто ја доби престижната Букерова награда за проза за 2024.
- Станува збор за приказна за шест фиктивни астронaути (мажи и жени) на Меѓуародната вселенска станица кои во текот на едено деноноќие искусуваат 16 изгрејсоцна и 16 зајдисонца. Таа е опишана како „медитација за Земјата, убавината и човечките копнежи“.
- Со само 136 страници, „Орбитал“ е втора најкратка книга која ја добива оваа награда. Таа е за четири страници подолга од „Крај брегот“ на Пепелоп Фицџералд, која доби Букер во 1979.
