Проста работа навидум... 4/4 ски такт кој си се повторува, а и немора да значи и фрагмент од музичка линија врз истиот, на пр. Бас линија, Клавир, Виолина, Гитара... било што, дури и шум од плоча!
Тоа е ХипХоп музика.
Назад во 91...
Нема шанси ова да го рапуваат белци! Тврдам одговорно!
Таз ми ја пушта касетата (ВХС-древните земјани го користеа тој формат за снимање на Видео Материјал) со спот од "Shamrocks and Shanenagans-House Of Pain" и тие се...белци!!!
Хах... (со Хонгконгшка синхронизација од Кинески на Англиски) па и ние можеме да правиме рап!
Години подоцна кога ми текнува на оваа случка, веќе рапот (ХипХоп) е глобален феномен и постои во речиси сите држави (со чесни исклучоци како НДР Кореја,Замрзнатите Конфликтни Земји на бившата СССР ,Иран и сл.) и се практикува на илјадници јазици и дијалекти.
Слушајќи ги ги постарите рапери во детството (постарите мислам на Krs, Cypres ,House, Onyx, PE, Wu, Pac...) ми стана познат концептот и идејата околу која се врти ХипХоп филозофијата...во глобала се е околу животот на артистот и луѓето што го опкружуваат, како и повремени туторијали за елементите на истата музика+приказни за случки (било вистинити или не - поентата е иста)
Касета да најдеш во тоа време беше равно на невозможно...ликови што сега ги пишуваме на Нет и за секунд-дискографија, у тоа време неможев ни да замислам да ги најдам.
Со Инфлуенце бев скаран (снимките на касета му беа ужасни и чинеа 155 ден или 300 сегашни+инфлација) а во Југотон ги имав купено сите рап касети и штом ќе се појавеше нешто ново во Поп-Топ или у Буњаковец Трговскиот (имаше една продавница у ходничето) ги зимав одма (се разбира со Таз праевме 1 примерок јас, еден он па пресними си и вицеверса) без да ги знам или само да сум чул за таа група.
98% од купената музика беше ВРВ...во 90 сетите немаше лош ХипХоп, дури и помеките работи ( да не речам комерцијала) како Heavy-D, KrissKross, Jazzy Jef and The Fresh Prince звучеа одлично.
Такви беа годините...звукот на девеесетите, а од оваа страна на Барата имавме обиди како Нулта Позитив (генерално прифатливо), Ена Веко (...), и еквивалентот на денешната комерцијала, господинот Ристо Бомбата (земи си инструменталка од Амерички Хит и пре/свири/пеј си ја за неуката раја) што се однесува до нешто што можеше да се чуе на радио или недајбоже да се види на телевизија (МТВ, истата.) и Андерграундот во вистинска смисла на зборот, со касети од другар што чул или знае некој што видел како...Мост Вонтед, Чиста Околина, Уличен Ритам...С.А.Ф. па од 95 наваму и ние (Против Сите ...касетата со првите снимки од 91-92 е засекогаш изгубена) бевме првите луѓе што идеа на Канал 103 во емисијата Црна Хроника (Четврток од 20 до 22) и ХипХопот во Македонија веќе здраво дишеше и почнуваше да станува свесен за себеси.
http://www.youtube.com/watch?v=8y_VFGrGnCE
http://www.youtube.com/watch?v=eBShN8qT4lk&ob=av2e
