Министрите за одбрана на Полска и Литванија, без никој да го побара тоа од нив, ветија дека ќе почнат да приведуваат и депортираат Украинци на нивна територија кои ја напуштиле Украина за да избегаат од регрутација.

Во јануари 2024, член на државниот сенат на Мисури предложил закон кој, доколку биде изгласан, повторно ќе го легализира дуелот како начин политичарите да разрешат лични несогласувања. И вие веднаш замисливте како ова би изгледало кај нас?

Легендата на НБА, Чарлс Баркли имаше мало шоу во студиото после третиот натпревар од серијата меѓу ЛА Лејкерс и Денвер кој Нагетс го добија 112:105. Баркли извадил метла како алузија на она што ги чека „езерџиите“. Кени Смит му вика дека „Кралот не го заслужува тоа“ а Баркли додава: „Кралот оди дома после уште еден натпревар“.

Кошаркарите на Филаделфија ’76 го совладаа Њујорк 125:114 и намалија на 1-2 во серијата. Ѕвездениот центар на Фила постигна 50 поени (13/19 од игра и 19/21 од слободни), 8 скока, 4 асистенции и една блокада. Ова е негов личен рекорд во плејофот а стана и трет кошаркар во историјата на Сиксерс кој постигнал најмалку 50 поени во плејофот. Претходно тоа биле Ален Ајверсон (три пати) и Били Канингем.

Манчестер Сити го збриша Брајтон на гости со 0:4 и сега со еден натпревар помалку е на -1 од Арсенал и +2 од Ливерпул. Кевин Де Брујн со потег кој потсети на едно славно голчиште на Робин Ван Перси. Инаку меѓу стрелците повторно е Фил Фоден, кој растури сезонава и тоа со два комада, од кои едниот од слободен.

Какао плантажите низ Африка моментално се зафатени со епидемија која се заканува дека ќе збрише огромен дел од глобалните залихи со какао. Едно од решенијата е вакцинирање на дрвјата.

Прво не го натскока, туку не му ни даде да скокне, потоа даде кош и изнуди дополнително слободно фрлање. Џејмс во немоќ ги крена рацете, во стил тоа е. Како да се бореше за топка против играч од Водњански Лисици, а не со еден од најдобрите во историјата.

Шампионот на НБА дефинитивно му наби комплекс на Лос Анџелес Лејкерс кој 11 меча по ред не може да им го најде лекот.