Од избори до избори, на луѓето од јужноафриканското село Дикидини (општина Нтабанкулу, молим лепо) им се ветува дека ќе им се изгради мост за да можат да ја преминуваат реката Мзинлава. Пошто политичарите упорно ги лажат, луѓето ја минуваат реката така што стручни лица ги пикаат во пластични буриња (кај нас зелка што се става) и после ги навигираат. Ако клиентот заврши во океан, не плаќа.

Кога Америка и НАТО ја бомбардираа Србија и особено нејзините мостови (а во Црна Гора осамна графитот: „Бомбардујте и нас, нијесмо ми шугави“) во едно село крај Јагодина се изроди неочекуван отпор на локалното население чии првоборци беа спремни да го бранат своето дрвено мовче до последниот промил алкохол во својата јуначка крв. 27 години подоцна- железно мовче!  

Песната „Groove Is in the Heart“ на Американците Dee Lite e една од највечатливите песни евер. Само неколку такта се доволни да ја познаеш, живо да се сетиш на некоја атмосфера во која си ја слушаш или пак да ти текне на разиграниот диско спот кој го потпишува Хиројуки Накано. Супер им текнало, нели? Да му влеземе под хауба на овој музички Франкенштајн.

Дуда Буржујка од кај Кесиќ има одлична песна за оние кадровски полуфабрикати кои  напредуваа за време на долгото владеење на Александар Вучиќ и се навикнаа на удопствата на своите функции за сега да мора да се вратат на фабрички подесувања. Мета е развластената кадровска елита на СНС но пораката важи и за овдешните крлежи кои прелесно се уфилмуваат и мислат вечно ќе им трае.

И денес и отсекогаш историјата се учела полна со бројки, датуми, задолжително разликување „повод“ од „причина“... Доаѓаат генерации на кои сето тоа ќе треба да им биде дополнително преџвакано и кажано на начин кој ќе го разберат - визуелно и динамично. Еве ја лекцијата за Сараевскиот атентат и почетокот на Првата светска војна.

Наш човек не може да не земе нешто храна за одмор ама двајца другари од Куршумлија ја однеле играта на друго ниво. Во Пефкохори решиле да земат јагне. Не сечено, транжирано, криено, туку цело, интегрално јагне. Приказната е со хепиенд, освен за нивните жени на кои после пет дена, и душата им мирисала на бачило.