Кинеската компанија Хенгсинфенг ги искористи нередите во Франција за ефикасна реклама за нивен производ. Не мораше да им текне ништо креативно. Објавија реално видео од група вандали како пробуваат да демолираат излог од дуќан па крај само се пофалија чиј е главниот „јунак“. Компанијата се занимава со производство на специјални стакла. 

Од перспектива на странец (добронамерен црн Американец), не може да се слушне разлика меѓу  македонскиот и бугарскиот јазик. Па тестира како македонски реченици ѝ звучат на Бугарка и како таа би ги превела. Се разбира, разликите меѓу јазиците не се причина да не се разбереме. Не се разбираме зашто некој нејќе да ни се симне од врат и да нè тапани кој јазик го зборуваме.

Многу луѓе не сфаќаат колку е апсурден европскиот даночен систем. Еден француски вработен – да го наречеме Никола – заработува 100.000 евра бруто годишно. Во САД тоа не би било ништо посебно, но во Франција, со 100.000 евра, Никола спаѓа во горните 2% од населението. Зар не е „забавно“ тоа што француската левица сериозно бара уште повисоки даноци? Во каков паралелен ментален универзум живеат овие луѓе?

Русофили, Европејци, христијани, либерали, конзервативци... сите слават! Работата е што некои од нив неизбежно ќе бидат намагарчени, бидејќи новата власт не може да биде и европска и русофилска, и конзервативна и либерална, и пробудена и христијанска во исто време...

Можеби ја знаете приказната за Бони М и нивниот единствен машки член Боби Фарел за кој се дозна дека е таму само за да шизи и отвора уста. Можеби ја знаете и приказната за дуото Мили Ванили за кои се откри дека исто така се тотално фејк пејачи. Но, можеби не знаете дека зад двете дубари стои ист човек. Сведочи еден од живите од Мили Ванили, другиот се уби со алкохол и дроги. 

Ако фудбалот е игра во која на крајот секогаш победува Германија, европската политика е вештина во која на крајот секогаш виновна е Русија. Со години тврдеа дека инклузијата на мигрантите е најголемата сила на Европа за сега да тврдат дека Русија и Белорусија ги вртат мигрантите против ЕУ.